الموضوع
:
حملة the biggest loser للجادات بعد العيد
عرض مشاركة واحدة
كتبت : نور الامل
-
حملة the biggest loser للجادات بعد العيد
تعالى نبدا مع بعض ان شاء الله
بداية من يوم 15/9 باذن الله
مين نفسها تبقى رشيقة وبتتمنى تبقى رشيقة لمدة يوم واحد..........
لو عندك ارادة وتحدى لنفسك ان شاء الله هتكونى رشيقة دائما مش لمدة يوم واحد
الى كل البنات اللى مش بيعرفوا يعملوا رجيم فى رمضان واللى فاتهم رجيم رمضان مثلى كدة
افتكرى كل المواقف المحرجة اللى اتعرضتى لها وحسيتى ان الدموع تملاء عيناك
لازم تثبتى لنفسك انك قوية وعندك ثقة فى نفسك
انسى كل المشاكل دى يلا قررى التخلص من الوزن الزائد علشان تعيشى بكل ثقة وكل فخر ودعى الوزن الزائد وننسى الكسل ونرحب بالنشاط.
نرجع للمسابقة بقى
احنا حنبقى 3 فرق.......
1-الفريق الاحمر 2-الفريق الاخضر 3- الفريق الازرق
وكل فريق مكون من 6 افراد
وكل واحدة تتبع الرجيم اللى هى عايزاة وكل فريق هيكون لة قائدة سيتم اختيارها بعد التسجيل
شروط المسابقة
1-الالتزام بالحضور اليومى
2- كل فريق يكتب بالون الخاص بة يعنى الاحمر يكتب بالاحمر وهكذا
3-وضع شريط الوزن فى التوقيع واللى مش بتعرف تعملة
ترسل رسالة خاصة لمشرفات المنتدى
4-كتابة شعار المسابقة فى التوقيع بخط كبير وهو (معا ضد السمنة the biggest loser)
5- الالتزام بالحضور اليومى
6- ادراج الوزن الجديد كل يوم أحد اساسى ان شاء الله
كل اللى عايزة تسجل اسمها تكتب
الاسم
الوزن الحالى
لون الفريق
الرياضة اساسى يابنات لمدة 4-5 مرات اسبوعيا اقل من كدة مينفعش ممنووووووووووووع
ومش اقل من ساعة يوميا الهدف الاول
العقاب
هو الحرمان من دخول المسابقة لمدة 24 ساعة والذهاب الى حبل المشنقة ههههههههه
يلا سجلوا مفيش وقت
كل اسبوع هناك فائزة يعنى اللى تفقد اكبر عدد من الكيلوات والكل يبارك لها ويهنيها
والخاسرة الاسبوعية الكل يواسيها ونعاقبها عقاب شديد بالعصاية
الموضوع بجد مش هزار دا تغير حياة كل واحدة فينا
استعدوا للمسابقة من الان والميزان هو اللى حيحدد وقبل المسابقة باسبوع هقول لكم على
السر اللى انا حتبعة والله انتوا تستاهلوا اقول لكم علية
اليكم هذا الورد
يلا شدوا حيلكم علشان نكون كلنا فائزات ان شاء اللة
وعند بداية المسابقة كل واحدة تكتب يومياتها كل يوم
واوعوا تنسوا تشبربوا ماء كتيرررررررررررررررر علشان نكون مثل الاميرات
بعد الرجيم ان شاء الله
وكل يوم هكتب لكم معلومة مفيدة عن الرجيم
انسوا كل المغريات علشان نوصل لهدفنا ونحافظ علية
لكن طبعا انا مش هسيبكم كدة الى بعد العيد احنا حنختار واحدة مننا تفتح يوميات لينا علشان نتواصل لكن بعد تسجيل اسماء المشتركات
كل واحدة تضع امام عيناها هدف وتدعى لربنا علشان يتحقق
وقولولى عن هدفكم واللى نفسكم توصلوا لة علشان نشجع بعض واوعوا تنسوا المنافسة
ومين عايزة تبقى مشرفة الفريق الاخضر والازرق لان انا طبعا مشرفة الفريق الاحمر
ان شاء الله
لا تراكم للدهون بعد اليوم لازم نغير حياتنا
رجيم +رياضة ونشاط #
رشاقة
فى انتظار ردودكم ياقمرات