عرض مشاركة واحدة
كتبت : سوسو2000
-
وانا كمان باتمنى اقعد الساعه دى ال60دقيقه او 3600 ثانيه كلها حول المائده المستديره هههههههههههه قصدى على الطبليه اللى كنت قاعده عليها من 40 سنه طبعا مش عشان الاكل واحنا فى رمضان ههههه هههههه اللهم انى صائمه ، ولاعشان استعيد طفولتى ومرح الطفوله اللى عدى هوا
لكن عشان اللمه اللى اتحرمت منها شيئا فشيئا
كنا زمان 7اخوات واب وام نتلم حوالين طبليه كبيره اكبر من طفولتى نشاكس بعضينا وندخل رجولنا تحت الطبليه نخبط فى بعض و.. و...
مرت الايام وتزوج من تزوج ومات من مات وفنيت الاسره وصرت يتيمة الابوين -حقيقى زوجى ربنا يخليه ولى ابنه وحيده لكننى معهم اشعر انى وحيده وحيده وحيده
ففى الشهر المفترج رمضان زوجى يفطر على السجائر ولا يفطر معنا بسببها
وابنتى تفطر ع النت وتزهد الاكل بسببه وانا الف فى الشقه وحيده أسأل نفسى هل افطر ولا مفيش داعى -أنتظرهم لنفطر سويا-فأشرب البلح واقوم اصلى وارجع املأ بطنى مياه واجتر ذكرياتى ايام اللمه حول المائده المستديره