مسا الخير يا احلى بنات
من اولها واخرها هل مكان مو الي بس اسمعوني وافهمو تجربتي
انا تزوجت كان وزني 65 وطولي 168 يعني حلو
وبعد الزواج الراحة النفسية والحمل والولادة صار وزني 86 من الاخر تحطمت وكنا مقررين نجيب طفل تاني لهيك حسيت انو مافي داعي لتنزيل الوزن
وطبعا هاتو يا تعليقات من كل الناس وخاصة امي كل ما تشوفني تقهرني روحي شوفي نفسك وشوفي صرتي اكبر من عمرك علما كان عمري 20 لما صار عندي اول طفل
والحمد لله حملت بالطفل التاني وولدت ووصل وزني لل 94 وبكل سهولة نزل لل 84 خلال شهر بسبب الرضاعة
طبعا بعدها وقف لانو مافي حليب
ورجعنا لتعليقات امي وهنا قررت وقلت لالالالالالالالالالالالا ستوب انا مو هيك ما بتحمل اسمع اي كلمة تانية
وبديت رجيم وكلها رجيمات سريعة متل رجيم السوائل ورجيم الفواكي ورجيم الخضر وطبعا كان وزني يثبت وبينزل المهم خلال 3 اشهر وصل لل 68 ووقف وزني وانا تعبت ومليت المهم ضليت محافظة عليه طبعا بالاكل الصحي والتخفيف والمشي كنت امشي كل يوم 4 ساعات برا مشي سريع مع استراحات وبالبيت امشي ساعة على السير تخيلو معي 5 ساعات كل يوم يصير الليل احس اني عم موت وبلا اكل
واستمريت سنة كاملة وبعدها قررت اكمل مشواري ونزلت لحد هلا لل 61 وباقيلي كيلو واحد واوقف خلص
ومع المشي مافي ترهلات والعقدة النفسية انحلت

ادري اني طولت عليكم بس صدقوني حطي ببالك هدف واوصليلو والاهم تحافظي عليه وبتمنى كون فدتكم بتجربتي