بنات حابة انكم تشاركوني موضوعي جميعنا نتعرض لمواقف محرجة ماذا تفعلين للخروج من الموقف والسيطرة عليه؟ انا هبدء بنفسي وهحكي موقف حصل لي رمضان قبل اللي فات كنت عازمة اخواتي واخوات زوجي وبعدين سالتهم يفطروا ايه فقالوا لي اعملي اكل خفبف نواشف ودجاج وفطير وكده المهم جهزت كل حاجة وقبل ميعاد الافطار حدث مالم اكن اتوقعه لقيت كل واحد منهم جي وجايب معاه اشخاص تانيه اللي ابن خالته واللي ابن خاله واطفال صغيرة طبعا العدد كان كبير قوي ومش معمكول حسابه
المهم طبعا بقيت في وسط هدومي وطبعا ده صيام رحت مقطعه الدجاج والفطير قطع صغيره وقدمت كل الاكل اللي عندي في الثلاجة طلعت الجبن والسلاطات وعدت العزومه وانا ماكلتش غير شوية شوربة المهم عوضتلهم في الكنافة والحلويات وحمدت ربنا اني كنت مزودة الحلويات ومن وقتها لما اعزم حد بعمل اكل يكفي 3 ايام وقول مش مهم الاكل يبقي احسن من كسفتي قدام الضيوف يلا اكتبوا اي موقف حصل لكم حتي ولو كان بسيط
