السلام عليكى اخت ليلى والقمر انا فعلا كمان عايزه انصحك بكده انك لازم تاكلى اكل صحى وتاكلى تلات وجبات فى اليوم ويبقى ده نظام حياه مش رجيم يعنى تعرفى ايه الحاجات الى ممكن تاكليها والحاجات الى ممكن تقللى منها فى اول النظام بتاعك ممنوع المقليات والحلويات والموالح لحد فتره لما توصلى للوزن الى انتى عايزاه وتثبتى بعد كده بنظام يبقى الاكل فى حدود وافوللك على كام خطوه تعمليهم اول شئ لازم تفطرى عشان الحرق بتاعك يزيد وتاكلى حاجه كل تلات ساعات حبه فاكهه خص خيار ممكن شويه فشار عملاهم انتى من غير ملح ولا زيت الكلام ده بين التلات وجبات والوجبه الغدا تقسمى الطبق يبقى فيه خضار وسلطه بنسبه تلات اربع الطبق والبافى اربع ملاعق رز وربع فرخه او لحمه قد الكف او سمكه حوالى نص ك واشترى الادوات الى تساعدك على كل تخفيف للوزن يعنى سكر الدايت ميزان للاكل عشان تتعلمى توزنى الحاجه الى تاكليها وتحسبى سعراتها وميزان لكى طبعا
وكما فى وزنك ده مترهقيش نفس برياضع عنيفه المشى بس هو العلاج الامثل ليكى والميه شء اساسى لازم لترين ميه مع كميه سوائل كافيه من الى بتزود الحرق زى القرفه والزنجبيل والشاى الاخضر والنعناع والكمون الحاجات دى بتزود الحرق من غير سكر طبعا او بسكر الدايت
عايزه اقوللك على كل حاجه لو لكى اى اسنفسار اتواصلى معايا انا فاتحه يوميات كل ام عايز تنزل الوزن الى اكتسبته من الحمل والولاده ممكن تدخلى تتواصلى معايا حابه اساعدك واشجعك وخلى عندك اراده عشان انتى فى احلى عمر لكى لازم تستمتعى بيه وهتحسى باحساس جميل قوى كل ما هدومك توسع عليكى عشان اشجعك هكتبللك
بياناتى
انا ام مارى
الطول 160
الوزن السابق 87
الوزن الحالى 71
ومستمره ان شاء الله فى النزول بس ببطء لان الوزن الى بينزل على فتره طويله من الصعب انه يرجع ده عن تجربه فعلا حاولى تحددى اهداف صغيره فى فترات طويله ومتياسيش لا ياس مع الحياه تفائلى واضحكى وصلى وادى واجباتك وربنا يعطيك الى تتمنيه