عازماكو اليوم علي تارت التفاح بس هو فيه حاجه اسمها تارت خفيف؟؟ التارت كله زبده و من اتقل الحلويات بس بعد عده تجارب و تفحيص و تمحيص وصلت للنتيجه دي بالمقادير دي خفيف و لذيذ و كمان غني بالألياف و مقرمش
يلا بندأ بسم الله
المقادير:
التارت:
2 كوب طحين أسمر كامل
1\4 كوب سكر
1\4 كوب زيت 1 بيضه+ فانيلا
1 م ص بكينج باودر
ماء مثلج للعجن
الحشو:
تفاح مقطع + سكر رجيم + قرفه+ ملعقه كبيره نشا

الطريقه:
1. هنحضر الحشو عشان علي ما نخلص عجن يكون جاهز قطعي التفاح قطع صغيره(بالقشر عشان الألياف) يضاف له سكر الرجيم و القرفه و النشا و يرفع علي نار هاديه مع التقليب من وقت لاخر.

2. نيجي للعجينه تضرب البيضه و الفانيلا ثم يضاف السكر و الزيت و يضرب.
3. يوضع الدقيق و البكينج باودر و يصنع فيه حفره و تضاف السابق مع العجن باليد و يضاف ماء مثلج حسب الحاجه حتي تصبح العجينه متماسكه (نسيت اصورها كنت محتاسه في العجن)
4. تقسم العجينه ثلث و ثلثين.
5. يفرد الجزء الأكبر في الصينيه مع رفع الاطراف

6. تخرم العجينه بالشوكه و تترك جانبا
7. نرجع للحشو يعني التفاح نص سوى نضعه علي العجينه و نوزعه.

8. تفرد بالنشابه الثلث الباقي من العجين و نقطعه شرايط

9. نغطي التارت بالشرايط زي الصوره

10. يدهن الوجه بالحليب
11. دخلت الفرن علي الرف الاوسط لحد ما تحمر

12. خرجت و بردت

خلصنااااااااااا دلوقتي وقت الأكل

من جوه ممممممممم

اتفضلو ووو