الموضوع
:
الليمون المخلل الرائع(حملة سماء الابداع)
عرض مشاركة واحدة
كتبت : أم عمر و توتة
-
الليمون المخلل الرائع(حملة سماء الابداع)
اقدم لكن اليوم اخواتى الحبيبات تانى موضوع لى فى الحملة فى هذا القسم ...بسرعة قبل ما تخلص عملت لكم الليمون المخلل و ما فيش اسهل منه و بيطلع
روووووعة...( تصدقوا اول موضوع اكتب داخله اسم الحملة)..
المطلوب : ليمون ويفضل ان يكون صغير الحجم/ فلفل حامى /ماء+ ملح( لكل كوب ماء ملعقة كبيرة ملح طعام خشن و اذا كان ناعم يبقى ملعقة كبيرة و ربع)
الطريقة :1/ يغسل الليمون جيدا ثم يوضع فى اناء على النار و اول ما يغلى غلوة واحدة فقط نطفى النار..
2/نضعه فى اناء بلاستيك به ماء بارد و نغير الماء من 4 الى 5 مرات فى اليوم لمدة 3 ايام( سوف تختفى المرارة الموجودة فى الليمون تماما و بيكون طعمه احلى كتيير )
(انا عملت الخطوة ديه بالفعل و سلقته من يوم الخميس مساء و خللته اليوم)
3/نضع الليمون فى برطمان زجاجى مع الفلفل الحامى ثم نغطيه بالماء المذاب فيه الملح فقط
4/ احكمى اغلاق البرطمان و اتركيه لمدة اسبوع .. و حاتلاقى ليمون مخلل مافيش احلى من كدة...
تسلموا يا قمرات و فى انتظار ردودكم و تقييمكم... و يا ريت تطبيقكم...