الموضوع
:
بياض فى بياض مع ولا احلى (حملة سماء الإبداع)
عرض مشاركة واحدة
كتبت : ولا احلى
-
بياض فى بياض مع ولا احلى (حملة سماء الإبداع)
صباح/مساء
الخيييير
بياض فى بياض مع ولا احلى
لحملة سماء الإبداع
طبعا اغلبية السيدات عندهم معاناه وتجارب كثيرة
فى تبيض اليدين والركب والكوع
ومانكرش انى واحدة من اللى بيعانو دول
وجربت كمية خلطات للتبييض رهييبة وخصوصا انى جلدى حساس ولونه بيتغير بسرعة
وانا اليوم جبتلكوا احسن الخلطات اللى جربتها عشان اوفر عليكوا تجارب ملهاش نهاية
فحبيت افيدكوا بخلطاتى المجربة
اول حاجة
لتبييض الركب
(
تجربة موفقة
)
انا جربت كم خلطات لموضوع الركب دا لا تتخيلوه
ان شاء الله مافيش وصفة على النت ماعملتهاش بس المشكلة ان كلهم وحتى اللى جاب نتيجة معايا
لآزم الإستمرار عليه
ودى طبعا مشكلتى لأنى بزهق بسرعة جدااا
المهم سمعت عن كريم راااائع وبيقولوا عليه تحفة
ولو جربتيه عمرك ما هاتندمى
طبعا انا ماكنتش عاوزة اجربه لأنى بميل للطبيعه بس للأسف الطبيعة مش قادرة تفجر سواد الركب
اسمه
تريتسبوت
طبعا الصورة دى انا سرقاها
من على النت اعزرونى انا داخلة على امتحانات
ووقتى ديق اوى
المهم قالولى هاتى الكريم دا وحطيه ركبك واتبعى التعليمات المكتوبة وراح تلاحظى ان سواد الركبة اختفى
انا طبعا نزلت وجبت الكريم وبدأت فى استعماله وكنت كل ثلاث ايام بعمل صنفرة لرجلى
بالملح والليمون عشان يقشر الجلد الميت
والمفروض انك يوميا بعد ما تشطفى الكريم دا تدهنى كريم مرطب
وانا رحت جرى للطبيعة وجبت خلطة جميلة جدا
ساعدت فى تبييض ركبى فى وقت قليل جدا
الخلطة للدكتور القحطانى
نصف فنجان عصير ليمونة
.
نصف فنجان جلسرين سائل
ربع فنجان زيت اللوز المر
.
ربع فنجان مسك مطحون
وتدهنى بيهم ركبتك قبل النوم
بعد
شطف الكريم
والصبح تغسليه
وهاتشوفى الفرق فى وقت قليييييييل جدا
انا زهلت بالنتيجة لأنى لقيت كريم تريتوسبوت فوق راائع وفتح ركبى جدااا
بس ماتنسوش تستخدموا معاه الخلطة اللى قلتلكو عليها
تانى حاجة
لتبييض اليدين
تجربة جميلة جدا
انا لو غسلت مواعين ايدى بتسود جدا ولازم استعمل جوانتى لأن ايدى حساسة جدا
ولازم اعملها خلطات يومية عشان ماتسمرش
وبرده جربت كم حاجات رهييييييييييبة والله بقالى خمس شهور بجرب
وعثرت اخيرا على الحل
خلطة زيوت لتفتيح اليد وترطيبها بشكل مزهل
كل اللى محتاجينه
ـ 1 ملعقة صغيرة عسل نحل.
ـ 2 ملعقة كبيرة زيت زيتون.
ـ 1 ملعقة كبيرة زيت سمسم.
ـ 1 ملعقة كبيرة زيت لوز.
ـ 2|1 ملعقة كبيرة جلسرين.
نسخن العسل على نار هادية ونحط عليه كل الزيوت ونشيله فى زجاجة محكمة
ندهن بيهم اليد ونلبس عليها كيس ونقفله ونسيبه نص ساعه
وبعدين نشطف اليد وندهن جلسرين لنص ساعه اخرى وبعدين نشطف اليد ونشوف الفرق من اول مرة
نعومه غيييير عاديه وصفاء وبياض
وعلى فكره الخلطه دى مغذيه جدا حتى للاظافر وهاتلاقى اظافرك قويه ولامعه
بجد والله الخلطة دى عجبتنى جدا وجابت معايا نتيجة روووعة
بنوتات رجيم
اتمنى اكون افادتكو بتجاربى
ولو حد عند اى سؤال انا فى الخدمة
انا فى انتظار الردود الحلوة والتقييم
تحياتى لكم