حبيت اعمل الكوسة بالبشميل بس حبيت اغير عشان لمستي الخاصة ههههههه
بجد انا بحب جد ابتكر بابسط الاضافات عشان التغيير مطلوب
المقادير:
نصف كيلو كوسة
وبصلة
طماطم
لحمة مفرومة انا من عشاق الطبخ بالمفروم بحسه خفيف وطعم
ملح وفلفل اسود
معلقة دقيق ابيض وكلمة السر 2 معلقة بقسماط
معلقة لبن خالي الدسم انا عندي بودر ممكن تحطي من اللبن الحليب عادي بس خالي الدسم
معلقة صغيرة جدا زيت زيتون
الطريقة:
قطعي الكوسة شرائح رقيقة
ثم توضع في اناء علي النار وعليه ملح وفلفل ولما تستوي قليلا نخرجها
توضع بصينية وعليها اللحمه المفرومة
لعمل اللحمه ابشري البصلة وحطي عليها شويه ماء وطماطم رفيعة وبهد كده اللحمة ونقلب حتي تستوي
بعد كده نعمل البشاميل ازاي هقولكم من غير ولا نقطة زيت نحط الدقيق والبقسماط في اناء ونقلب حتي تغمق ثم نضع اللبن المذاب في ماء ونقلب بالمضرب اليدوي وكمان نضع الفلفل والملح
ثم نضع الباشميل علي وجه الصينية ونضع زيت الزيتون علي الوجه وندخلها الفرن
ونخرجها لما يحمر الوجه
سلاطة الباذنجان:
باذنجانه تشويها في الفرن وتقشر
ونضع عليها البقدونس وفلفل اخضر وفص ثوم
وزيت زيتون وخل وليمون وكمون
ونقلب بالشوكة
وتقدم
يارب تعجبكم