اولا الف مبروك يا قمر وباذن الله تكوني احلى عروسة ..
المفروض يا قمر زي ما البنات قالوا لك .. ابدأي من دلوقت وطبعا لازم تلتزمي بالرياضة .. تمارين البطن والارداف والمشي هيجيبوا نتيجة هايلة .. وطبعا لازم تقللي اكلك ابعدي عن النشويات والدهون والحلويات والمشروبات الغازية .. وضروري الفاكهة عشان نضارة الوجه .. التفاح رائع وعن تجربة .. كل ما تجوعي كلي تفاحة .. بجد ممتاز بيخلي الوجه منور والشعر ناعم وسليم ..
حاجة كمان ممكن تكوني ناسياها .. نوعة اطرافك .. (اليدين والرجيلن) استخدمي كريمات الجلسرين رائعة لليدين .. اما للرجلين اعملي حمام ماء دافي مائل للسخونة وضيفي له شاور جيل وحطي رجليك فيه لمدة تلت ساعة لنصف ساعة وبعد كده ادعكي رجليك بالحجر الخفاف او مبرد القدمين واشطفي رجليك وجففيها وادهنيها بزيت زيتون والبسي كيس بلاستيك وشراب صوف .. طبعا ده قبل يكون اخر حاجة تعمليها وتنامي ... انا جربتها مرة واحدة بس وفعلا نتيجتها ممتازة ..