الموضوع
:
المكموره الاردنيه بالصور من مطبخي
عرض مشاركة واحدة
كتبت : زهرة المدائن
-
المكموره الاردنيه بالصور من مطبخي
[]بسم الله الرحمن الرحيم
[/]السلام عليكم ورحمة الله وبركاته
يوم امس الجمعه كان كتير برد عنا بالاردن
ففضلت اعمل غدا بدفي
فكرت باكلات كتيره بالاخر قررت اعمل المكموره لانها مناسبه كتير لهيك جو
وخصوصا كل العائله ملتمه
انا عارفه اني طولت عليكو بس كل هاد عشان اشوق الكل لهذه الاكله اللذيذه
خلينا ندخل بالتفاصيل
المقادير
دجاج عدد 2 او حسب الرغبه
بصل /زيت /ملح / فلفل / سماق
وطبعا ما ننسى العجينه وهي الاهم
طحين اسمر 1 ك
طحين ابيض 1/2 ك
سمسم / حبة البركه /كمون او يانسون مطحون
طبعا نعجن الطحين بالطريقه المتعودين عليها
وبنضيف عليه البهارات المطيبه وهي
الكمون /ويانسون / الناعم / وايظا السمسم وحبة البركه
ونتركها حتى ترتاح وهيك بتكون
طبعا العجين بدون خميره يعني متل خبز الشراك
ثم نقطعها الى كرات بالشكل هاد
هسا بنروح للدجاج
نقطع الدجاج 8 قطع لكل دجاجه
ننزع الجلد ونقوم بسلقه يعنى ما نخليه يستوى كتير
ثم نقوم بتقشير البصل ووضعه في اناء فيه ماء حتى ما
نبكي كتير وحنا نقطع بالبصل
ونقطعه جوانح بها الشكل
ونسخن الزيت ونقلى البصل حتى يشقر
ثم نضيف اليه السماق وقطع الدجاج
ثم نفرد العجين قطعه قطعه ونقوم بوظع
قطعه من الالمنيم /القصدير / بداخل الوعاءاللى رح
نخبز فييه المكموره حتى ما يحترق
ونقوم بوضع اول قطعه فردناها
ونضع فوقها القليل من الزيت ثم قطعه تانيه
وتالته لانه ممكن تحترق الطبقه الاولى
هيك بنظمن انها العجينه ما رح تروح كلها
ثم نضع طبقة دجاج وبصل
ثم طبقة عجين ثم طبقة بصل حتى ننته+ى
وهيك بيون شكلها
ثم نغلفها بالقصدير
ونضعها بالفرن المرتفع الحراره ونتركها حتى تجهز
وهيك بتكون جاهزه
ونقدمها مع الشوربه وسلطة المايونيز واللبن
وهادى الصوره للتعذيب
وصحتين والف عافيه