ماشاء الله تبارك الله
(عين صاحبها أحيان تحسد نفسها)
لذلك أذكرو الله قبل أي موضوع في المنتدى

سلام ياأميرات يارائعات إنتم
شخبـــــــــــــــــــــــااااااااااااااااركم
اليوم الشيـــــــــــــف منة راح تدلكم على سر من أسرارها ومن إبتكارها..
أكيد كلكم تعرفوا

(تشيليز )
صح ؟؟ أبو فلفلة حمراء كبيرة؟؟
موجود في جدة والخبر وفي البحرين وفي كل دول الخليج...
المطعم((للي مايعرفوه))هو مطعم يقدم ألذ ستيك ذقته في حياتي
يعني متخصص بهالشي..

فأنا من كثر ماأحبه قعدت وحاولت لين تعلمت طريقة عمله..
واليوم أنا عاملتلكم منيو

(تشيليز)
اليوم ياحلوات الشيف منة راح تقدملكم..

الوجبة الرئيسية:
(ستيك رب آي مشوي)
(خضار تشيليز المشوية الرائعه)
(بطاطس تشيليز المهروسة إللي تدووووخ)
(خبز الثوم المقرمش)

العصير: (بيناكولادا)
الحلى : (براوني صانداي)

وترى حبيت أنبهكم ترى والله العظيم الحاجات إللي راح أكتبها لاهي منقولة لامن منتدى ولا من ولاأحد علمني هيه..أنا جربتها وتعلمتها ولله الحمد.. وماأحلل أي وحده تنسبها لنفسها..


أولا : الستيك المشوي

المقادير

شريحتين من ستيك (ريب آي) وهي أفخم نوع من أنواع اللحوم المستخدمة في عمل الستيك المشوي.تلقيها في السوبر ماركتات الكبيرة أو عند بعض اللحامين المتخصصين
ولازم القطعتين تكون عريضة شوي(إصباعين تقريبا عرضها) وحجمها بحجم (كف )اليد

تتبيلة الستيك ((وهي السر الكبير في عمله))

3حبات ثوم مهروس ناعم
2ملعقتين من الخل الأسود
ملح
فلفل أسود
نصف فنجان شاي عصير ليمون
صوص دبس الرمان((هذا تلقوه ناحية الصوص والتتبيلات في السوبر ماركت)) مكتوب عليه كذا (دبس رمان)
(صلصة hp لشرائح اللحم) ((كمان تلقيها في صف الصوصات والتتبيلات))
زعتر بري مجفف((موجود في صف المتبلات والأعشاب في السوبر ماركت))
إكليل الجبل طازج((تلقيه في جهة الخضار الطازجة في السوبر ماركت..وهو يشبه في شكله(الشبت) لكن طعمه مختلف عنه تمااااما)) نفرمه ونجهزه

الطريقة

غزي الشرائح في عدة مناطق بالسكين وعلى الوجهين حتى تتشرب الصوص الذي ستنقع فيه..
للصلصة..
نخلط جميع التوابل مع بعضها البعض وننقع شرائح اللحم فيها ونضعها في الثلاجة طوال الليل حى تتشرب الصوص وتلين قطعة اللحم لأنها عريضة شوي((يعني اليوم إللي تبغي تسوي فيه ستيك حطي الشرائح في الصوص من الليلة إللي قبلها وإنقعيه فيها طووول الليل أو لليوم الثاني))

وألحين جا اليوم الثاني ((إللي راح تعملي فيه الستيك))

جهزي شواية الفحم أو شواية كهربائية وإبدأي حطي عليها شرائح اللحم وإشويها ((وإدهنيها لماتنشف بالمتبقي من الصوص في الصحن إللي نقعنا فيه اللحم أمس)) هذي ترى خطوة مهمة
وكل شوي إقلبيه على الجهة الثانيه لين تنشوى الناحيتين تماما وتحسيها إستوت
وأغرزي السكين في الستيك لتأكدي إن كان إستوى من الداخل أو لأ..

وضعيه في طبق التقديم وراح أعلمكم حركه رهيييييبة وراح تدعولي
ترى مايستخدموها إلا المطاعم الفاخره

راح أعلمكم كيف تعملوا قطعة الزبدة بالأعشاب إللي يحطولك هيه فوق الستيك أول مايتقدم..عشان تسيح فوق الستيك من حرارته وتعطيكي طعم يجننن..
طريقتها ومقاديرها هيه..
تحتاجي زبدة ذائبة (على حسب عدد المكعبات إللي تبغي تسويها))
عشبة الزعتر البري المجفف
ثوم مطحون ناعم
قوالب ثلج((بس إللي تجي دارية وفيها حركات حلووة مثل الأحرف والأشكال))نسخن الزبدة ثواني على النار ثم نضع عليها الثوم المهروس ونقلبه بسرعه شديده عشان لايينحرق لونه
وبعدين أحط فوقها قليل من الزعتر البري
وأقلبها بسررررعه لين تاخذ نكهة بعضها البعض وأطفي عليها النار
وأبدأ صبها في القوالب وأحطها بالفريزر تجمد..

طبعا من يوم تسوي الستيك على طول حطيها فوقه لأنها لما تذوب الزبدة مع الحرارة حتعطيكي طعم مو معقووووووووول أبداا...
وبالهنا والعافية

سلام يابنات
الليلة راح أدلكم على سر خضروات تشيليز المشوية الراااائعه

يالله نبدأ بسم الله..
المقادير:

تشكيلة من الخضروات الطازجة والمغسولة جيدا
((كوسا-جزر-فلفل رومي-بروكلي- أكواز ذرة -وممكن تضيفي كمان أي خضار ثانيه تحبيها..))

كمية قليلة من الزبدة((مقدار ملعقتين طعام كبيرة))

بهارات متنوعه وهي
ملح- فلفل أسود-بابريكا((هذي تلقونها ناحية التوابل في السوبر ماركت بودرة حمراء مكتوب عليها بابريكا يعني فلفل حلو )) هاذا ترى مافيه إسم الحرارة مجرد نكهة ولون فقط
زعتر بري مجفف
قليل من زيت الزيتون (ملعقة واحدة فقط((ملعقة طعام)) لاتكثرو عشان مايبان طعمها))

الطريقة
أولا عزيزاتي من أهم أسرار خضروات تشيليز هو التتبيل
أخلطي كل من المتبلات السابقة كلها مع بعض وأضيفي عليها ملعقة حلى زبدة (مو كل مقدار الزبدة الذائبة..لأ ..ربع المقدار فقط))وملعقة طعام من زيت الزيتون
أخلطيهم جيدا وأتركيهم على جنب

نروح للخضار..
أغسلي الكوسى والجزر جيدا ولاتقشرينهم بل نظفي قشرتهم الخارجية بفرشاة التنظيف الخاصة((أفركي بالفرشة وقليل من الخل الأبيض والملح جيدا حتى تزيلي الأتربة وماتبقى من مواد الرش العالقة))
وإذا ماعندك فرشة أفركيهم بالخل والملح بيدك..أهم شي إنهم ينظفوا تمااااما
وبعد كذه قطعيهم شرائح دائرية متساوية

بالنسبة لأكواز الذرة مايحتاج لها شي إلا إنك تطلعيها من الفريزر من بدري((أنا أتكلم طبعا عن أكواز الذرة المجمدة إللي تجي نصف كوز أو ربع كوز)) تلقوها في الفريزرات في السوبر ماركت..وتنباع مجموعة في واحد كيس))

بالنسبة للفلفل الرومي نظفيه تمام من البذور الداخلية وقطعيه شرائح دائرية متساوية العرض

بالنسبة للبروكلي ((للي مايعرفوه)) هو نوع من الخضار المستوردة ويشبة في شكلة الطحالب البحرية ذات الشكل الشجري)) نظفيه تمام بالملح والماء

وبعد ماغسلنا الخضار تماااام التماااام
نقطع الجزر والكوسى شرائح بقشرهم طبعا..
الذرة نتركها مثل ماهي..
البروكلي نفكفكه عن بعضه شوي..

بعد كذه خذي كل الخضار و قلبيها بيدك وأفركي فيها خلطة التوابل السابق تحضيرها (كله بيدك عشان تتخللها التتبيلة))وأتركيها نصف ساعه

بعد كذه جيبي قدر كبير وحطي فيه ماء وخليه يغلي لين يطلع دخانه((أهم نقطه لأننا راح نطبخ الخضار على البخار))
وبعدين حطي مصفاة كبيرة عندك على القدر أو بوسطه بحيث إنها تكون مستواها أعلى من الماء((يعني تكون أخرام المصفاة فوق الماء وليست في وسطه))
وحطي في وسط هالمصفاة كل الخضار السابقة تمام
وإقفلي عليها وخليها 10 دقائق بالتمام بحيث إنها تستوي نص إستواء أو ثلاث أرباع إستواء أهم شي مانبغ الخضار تي معانا ((مهمة جدا هذي الخطوة))
((السر في الطهو بالبخار قبل الشوي هو:
1:تطرية الخضار قليلا قبل شويها
2:الإحتفاظ باللون الزاهي الأخضر للخضروات الخضراء

نعمل في هالوقت الصوص إللي راح أقولك عليه
وفلفل أسود وزبدة ذائبة
قلبيهم سوى وحطيهم في صحن صغير وجيبي فرشاة الدهن وإستعدي..
بعد كذه جيبي صينيه وجيبي ((شواية كهربائية من إللي تنقفل فوق بعضها وإللي ماعندها تستخدم طاوة عمل البيض أو طاوة الشوي((هذي مثل طاوة البيض تمام لكن تخلف عنها بوجود خطوط في قاع الطاوة ويكون شكل الطاوة مربع مو دائري)) عرفتوها ..هذي خاصة بالشوي..

جيبي بعد كذه الذرة وحطيها في الصينية وأدهنيها من كل الوجوه بالفرشاة بخليط الزبدة والفلفل
وحطيها في الصينية ودخليها الفرن وولعي عليها الشواية ((يعني من فوق )) وخليها تتحمر شوي ..وكل شوي إنتبهيلها لاتنحرق ..كل إشوي إقلبيها على جهة من الجهات عشان تتحمر من كل النواحي..

جيبي بقية الخضار المطهوة بالبخار وولعي على طاوة الشوي أو الشواية الكهربائية ورصي الخضار فيها وخليهم كذه قدامك ينشووتمام وبعدين إقلبيهم على الجهة الثانيه
خلال عملية الشوي لاااااااازم تدهنيهم بخليط الزبدة والفلفل الأسود..وإنتبهيلهم لاينحرقوا..

بس خلاص وبعدين إذا إنشوت الذرة وإنشوت الخضار تمام على الوجهين((أهم شي مايكونوا مهريين وهذا يعتمد بالأساس على طريقة طهوك لهم بالخضار في الأول))
وحطيهم في طبق التقديم بجنب الستيك.. وبالهناء والعافية..

هاه عجبتكم الخضار؟؟حوستها حوسه صح..؟؟ لكن صدقوني طعمها بيطلع يجنننن وألذ من تشيليز جربوها وأدعولي..


هلا حبيباتي الغاليات
شخباركم مع تشيليز؟؟

هذي هي المشاركة إللي كلكم كنتم تنتظروها وطلبوها كثييييييييييير بنات مني حتى على الخاص..
وأنا أحلفلكم بالله لو طبقتوها حرفيا معايا صدقوني بطاطس تشيليز ماتجي جنبها شي..
وهالشي أقوله عن ثقة لأني تعبت وأنا أتعلمها لين ضبطتها..
جربوها وذوقوها وذيك الساعة تقولو ((منة قالت))
وليش كل هالكلام يالله على المطبخ قوااااام..

بسم الله


ثالثاً: (بطاطس تشيليز المهروسة إللي تدووووخ)
أولا حابة أقولكم إن المقدار لشخصين طيب..
((المقادير للبطاطس))

4حبات بطاطس جيدة متوسطة الحجم
زبدة
(البهارات)
((فلفل أسود.ملح.زعتر بري.شطة سائلة,مكعب ماجي))
((الطريقة للبطاطس))
أولا نجيب فرشاة تنظيف البطاطس (أو أي فرشاة تنظيف خاصة بالخضار عندك) وطبعا كلنا نعرف البطاطس من أكثر الخضار إللي تشيل أتربه..
إنقعيها في وعاء عميق مغمور بالماء الساخن وقليل من الملح والخل.. وبعد كذه نظفي البطاطس بهذا النقيع مع الفرشاة جيدا((توصوا فيها)) والسر في أن الخل والملح ينظفوا تمام القشرة من أي شي عالق بها.. وترى ضروري تنظيف القشرة..

تمام.. بعد كذه حطي في قدر على النار كل التوابل والبهارات السابق ذكرها وهي..

((فلفل أسود.ملح.زعتر بري.شطة سائلة,مكعب ماجي))
طيب وماء سااااخن وقلبيها لين تفور مع بعضها تمام وبعد كذه غطسي حبات البطاطس فيها وخليها نصف ساعة تنسلق في هالنقيع لين تستوي ..

في هالأثناء راح نعمل الصلصة..
((مقادير الصلصة))
علبة حجم صغير من قشطة الخفق
زبدة
نص فص ثوم مهروس(لاتكثروا لأننا مانبيه يطغي على طعم الصلصة)
بهارات((ملح وفلفل أسود وبابريكا((هذي البابريكا أهم شي في الموضوع))
علبة جبن كرافت متوسطة (تشدر وليست السائلة)
((طريقة عمل الصلصة))
نضع قليل من الزبدة في قدر صغير على النار حتى تسيح ثم أضع عليها الثوم مهروس لثواااااااااني بدون أن يحمر ((إنتبهوا أنا أبغى النكهة بس))
وبعدين أضيف فوقه مقدار قشطة الخفق وأتركه يفور شويه لين يثقل قليل وبعدين أتبله بالملح والفلفل والبابريكا)
وإتركيها على جنب..
طبعا ألحين البطاطس إستوت
جيبي البطاطس وقشريها بالشوكة وإذا كان فيه بقايا من القشرة بسيطه على البطاطس مو مشكلة خليها لأنك منظفتها وتقدري تاكليها بعد ماأستوت البطاطس..((إنتبهي لاتكبي موية النقع وألحين أقولك ليش..
أهرسي البطاطس بواسطة شوكة وزحطي فوها شريحتين صغار من الزبدة وقلبيها مع البطاطس تمام لين تمتزج نكهة الزبدة مع البطاطس..
بعد كذه نجي لسر الطعم الرهيب في البطاطس..
خذي تقريبا 4 ملاعق كبيرة من ماء سلق البطاطس المتبل بالماجي والبهارات وإعجنيها مع البطاطس بالشوكة..
هالحركة راح تفيدك بكذا شي:
أولا:راح تخلي البطاطس متماسكة
ثانيا:راح تتبلك البطاطس وتخليلك طعمها جنان..

بعد ماعجنتيها ((مو تصير عجينه عجينه..يابنات أنا أقصد مفهوم العجن يعني المزج وليس العجن باليد فقط بالشوكة..))
بعد ماعجنتيها جيبي صينية بايركس أو تيفال مو مشكلة ماكو فرق..وتكوني مولعة الفرن من فوق((يعني الشواية ))
جيبي البطاطس وإكبسيها في زبدية صغيرة مثل حقت الشوربة تمام وإقلبيها بعدين في الصينية البايركس بحيث يكون شكلها مثل القبة..بعد كذه إبدأي إضغطي عليها من المنصف بحيث يصير شكلها مثل البركان((أـمنى تكونو فاهمين علي)) إنتبهوا لاتوصلوا لنهاية البركان لأ لنصفه فقط.. يعني الحفر بوسط القبة لايوصل للنهاية عشان لما نصب الصلصة فيها ونجي نشيل البركان ماتنكب الصلصة من وسط البركان(عجبني مصطلح البركان ماتشوفوني طيحّت عنده)
أهم شي يوصل المعنى خلاص لاتدققوا..
وسوي كل مقدار البطاطس زي كذه حيصير عندك مجموعه براكين صغيرة >>((أبو التعبير))
وبعد كذه إبأي صبي في داخل هالبراكين مقدار بسيط من الصلصة تمام ورشي الصلصة ببودرة البابريكا (قليل مو تكثروا طيب) وبعدين سيحي قليل زبدة وإدهني بالفرشاة أطراف البطاطس(البركان)
بعد كذه دخلي الصينية الفرن وراقبيه..بمجرد ماتحسي إنها بدأت تحمر شوي وتنشف البطاطس على طول طلعيها.. والسر في حركة الفرن هو:
أولا : راح تخليلك البطاطس متماسكة أكثر مع حرارة الفرن.
ثانيا: راح تخليلك الصلصة أغلظ مماهي عليه وقت صبها على البطاطس..

والسر في حركة دهن البطاطس بالزبدة هو:
أولا:تطرية البطاطس عشان ماتنشف كثير.
ثانيا : تعطي لمعه للبركان؟؟


بعد كذه لما تحمر شوي شيليها بالأداة إللي تشيلون فيها المكرونة عرفتوها..عشان تقدروا تشيلوا القطعه كلها دفعة وحده.. وحطوها في طبق التقديم جنب الستيك والخضار وبالهنا والعافية ياغاليات..
***** الله عجبتكم ياحلوات..



((وهذي الصور للغالية كلام العيون))


وهذي وهي بالفرن


يالله ياويلكم لو ماأشوف ردودكم..

هذا جزء اليوم
ولي لقاء معكم غدا بإذن الله في


ماكولات الشيف منة


شخبار تشيليز معاكم..
أكمل ولا لأ؟؟

طبعا لازم أكمل ماتهونوا عليا والله


حبيباتي..
اليوم راح أقدم لكم صنف جانبي.. وهو يقدم مع الستيك..
ونبأ نشوف مقادير الخبز بالثوم((ماأعتقد فيه أحد فيكم مايحبه صح؟؟))

المقادير

عيش فرنسي((هذا يجيكي في المخابز طوييييل كأنه مسطره)) أو توست بس الأفضل العيش الفرنسي..
ثوم مهروس ناعم(طازج)
زعتر بري
زبدة
عصير نصف ليمونه طازجه
ملعقة شاي نشا محلولة في نصف فنجان قهوة من الماء
صلصة شركة السلطانه((صلصة الأعشاب بالثوم و بالليمون)) هذي تلقوها جهة الصلصات في السوبر ماركت..وقارورتها طويله شوي..ولون الصلصة إللي جوى أخضر..
ياليت إللي تعرفها وتملك صورتها تحطها للبنات عشان يستفيدوا..

الطريقة
سهلللللللللللللللللللللة جدا..

أولا تقطعي الخبز الفرنسي شرائح ولكن مائلة قليلا بحيث تصبح مشطوفه قليلا...
ثم نعمل الصوص..
فيه عندك طريقتين للصوص..
أولا؛في حال تواجدت عندك صلصة السلطانه السابق ذكرها فنقوم بعمل مايلي..
أولا نذوب قليل من الزبدة في طاوة البيض ونضيف فوقها صلصة السلطانه((حسب كمية الخبز إللي راح تعمليه)) وتخليها تفور شوي مع التقليب السريع لمدة دقيقة..
ثم ندهن الخبز على الوجهين بالخلطة بواسطة فرشاة الطعام
ونكون مولعين الفرن من فوق(الشواية)
وندخلها الفرن لين يحمر وجهها الأول بعدين نقلبها على الوجه الثاني لين يحمر الوجه الثاني بعد كذه نقدمها مع الستيك وهي سااااخنه

الطريقة الثانيه في حال عدم تواجد صلصة السلطانه لديكي

راح أعلمك كيف تعملي الصوص بنفسك في البيت..وصدقوني يضاهي صلصة السلطانه في الطعم..بدون مبالغه والتجربية خير برهان..
أولا نذوب قليل من الزبدة في طاوة البيض ((حسب كمية الخبز إللي راح تعمليه)) ثم نضع عليها قليل من الثوم المهروس ونقلبه ثواني في الزبدة((إنتبهوا لايتغير لونه بس مجرد تاخذ الزبدة نكهة الثوم)) وبعدين نضيف لها الزعتر البري..ونقلبه جيدا معها.. ثم نضيف لها محلول النشا..ونقلبها حتى تغلظ الخلطة قليلا.. ويستوي النشا..وشرط النار تكون واااااااااااطية جدا وماتكون عاليه عشان ماينحرق..ونطفي عليها.. ونضيف لها قليل من من عصير الليمون((حسب رغبتك))
ونقلبها جيدا...ثم ندهن الخبز على الوجهين بالخلطة بواسطة فرشاة الطعام
ونكون مولعين الفرن من فوق(الشواية)
وندخلها الفرن لين يحمر وجهها الأول بعدين نقلبها على الوجه الثاني لين يحمر الوجه الثاني بعد كذه نقدمها مع الستيك وهي سااااخنه


السلام عليكم ورحمة الله وبركاته
ماشاء الله تبارك الله
هاه ياحلوات شخباركم مع مطبخ تشيليز..للآن ماضبط معاكم..؟؟؟
اليوم جبتلكم المكمل الرئيسي لأي وجبة ..وهي أروع سلطة في العالم

سلطة قيصر أو السيزر سلط

شوفوا حشرحلكم طريقتي إللي لو مشيتوا عليها تماااام ماراح تذوقوا بديل لطعمها الرائع
طبعا السلطة فيها 3 حاجات رئيسية وكل وحده راح أكتب لكم كل شي مقاديره وطريقته على حده عشان لاتلخبطوا طيب ويسهل عليكم الموضوع..

أولا الخضار..
نحتاج كمية كبيرة من الخس((ممكن تستخدمي أي خس بس ألذ خس هو الأمريكي))بس مع المقاطعه أفضل إنكم ماتستخدموه كثير..+ كمية كبيرة من الملفوف الأحمر

طريقتها:
نغسل الخس والملفوف جيدا ..ثم نمزع أوراق الخس بطريقة عشوائية ونضعها في طبق التقديم..
والملفوف بالسكين نقطعه شرائح عريضة..
نضع الكل في طبق التقديم..ويوضع على جنب..

ثانيا: بالنسبة للصوص المستخدم للسلطة..فيه حاجتين مهمه
أولا ياإنك تشتري صوص السيزر سلط الجاهز موجود في السوبر ماركتات الكبيرة فقط
وفيه نوعين منها
واحد منهم كريمي ولونه أبيض كريمي ومكتوب عليه
caesar salad creamy sous

والنوع الثاني شفاف لون أصفر شفاف ومكتوب عليه
caesar salad sous
لكن لو مالقيتي هذي الصوصات وماقدرتي تحصلي عليها فراح أعطيكي طريقة الصوص تعمليه في البيت..
وهي كالآتي..

صلصلة سلطة سيزر
ملعقتين كببيرة(ملعقة طعام) مايونيز
ملعقة كبيرة من الخل الأبيض
ملعقه صغيره من سمك الانشوجه ( وهذي تلقيها في صف معلبات التونه في السوبر ماركت ولها طعم قوي و حاذق ) وتراها أهم شي في السيزر سلط وطعمها يجنن معاها لاتنفجعوا عشانوا سمك..تراه سمك صغير جدا مثل الأصابع وخالي من العظم ومجرد إنه يعطي نكهه للصوص ومافيه طعم زفارة ولا شي وعلى ضمانتي..
ملعقتين من زيت الزيتون
ملعقتين كبيرة من عصير ليمون
ملعقه صغيره بذور الكابرز المخلله ( وهذي تلقينها بسهوله مع المخللات في السوبر ماركت وسعرها رخيص والعلبه تكفيك عدة مرات )

حطيهم سوا في الخلاط ماعدا زيت الزيتون وأخلطي لحد ما يتجانس الخليط بعد كذه وإنتي بتخلطي الخليط(بعد ماتجنس طبعا وإختلطت المكونات تمام)) إبدأي بالتدريج بإضافة زيت الزيتون حتى يبدأ يغلظ الخليط معاكي..وبكذه صار عندنا الصوص وتقدري تحتفظي فيه في الثلاجة..


ثالثا؛ الدجاج المشوي المتبل..
نحتاج إلى صدور دجاج شرائح مخليه من العظم+ثوم مهروس+ زبدة+أوريغانوا أو زعتر بري+ قليل من عصير الليمون الطازج..

طريقتها:
نقطع صدور الدجاج إلى شرائح رفيعه طويلة..ثم نضع في مقلاة الشوي((المخططة)) التي تحدثت عنها سابقا في الخضار أو ممكن إستبدالها بمقلاة البيض العادية
نضع في المقلاة القليل من الزبدة لتذوب..ثم نضع عليها الثوم حتى يصفر فقط بدون أن يحمر أو يتكشن إنتبهوا.. ثم نضع شرائح الدجاج المقطعه وتشوى وكل شوي نقلبها على الوجه الثاني حتى تحمر من كلتا الجهتين..ثم نخلط الأوريغانو أو الزعتر البري مع عصير الليمون ونضعه فوق الدجاج المشوي في ال مقلاه ونقلب قليلا علا النار ثم نشيل الدجاج على جنب..

رابعا:الخبز المحمص..
نحتاج إلى خبز فرنسي(الطويل) أو يستبدل بـ(التوست)+صوص (السلطانه) بالأعشاب والثوم والليمون..أو يمكن إذا مالقيتي هذا الصوص تعملي بداله هالصوص البيتي((زبدة سايحة+ ثوم مهروس +زعتر بري+ملعقة كبيرة زيت زيتون +قليل من عصير الليمون))
تسيحي الزبدة على النار وتحطي عليها الثوم المهروس لثواني وإطفي النار وأضيفي له عصير الليمون والزعتر البري وزيت الزيتون وأخلطيه جيدا..
طريقته:
يقطع الخبز مكعبات صغيرة ويدهن بالصوص ونخله الفرن ونولع عليه الشواية حتى يجمر قليلا..ونتركه على جنب..

خامسا:جبن بارميزان مبشور((موجود في جهة الألبان والأجبان في السوبر ماركتات))

طريقة عملهم مع بعض هي كالتالي..نخلط قليل من صوص السيزر+الجبن البارميزان مع الخس والملفوف جيدا ثم نضعهم في طبق التقديم..
ثم نرص شرائح الخبز ثم شرائح الدجاج المشوي.. ثم نصب قليل من الصوص على الوجه وترش بالجبنه البارميزان وتقدم..
هذه السلطة تؤكل بارده..


اليوم جايبتلكم طريقة البيناكولادا الخاصة بتشيليز
جربوها وأدعولي


المقادير تكفي تقريبا لكأسين من العصير

حلقتين كبيرة أو 3 من الأناناس,
كأس من ماء الأناناس أو كأس ماء بارد جداً إن لم يتوفر ماء الأناناس,بس طبعا الأفضل في الطعم ماء الأناناس
سكر حسب الرغبة,
ملعقتين أو ثلاث من الحليب البودرة ,
كأس من حليب جوز الهند السائل ((يتوفر حليب جوز الهند سائل في بعض السوبر ماركتات الكبيرة وإذا لم يتواجد ضعي مقدار ملعقتين طعام كبيرة من جوز الهن أو النارجين في كوب من الحليب وأتركيه طوال الليل ثم صفيه في اليوم الثاني وإستخدميه في المشروب))
ملعقتين كبيرة من آيس كريم بالفانيليا,
وللزينة: نصف حلقة من الأناناس الطازج. وحبة من الكرز الأحمر

الطريقة

تخلط جميع المقادير السابقة كلها في الخلاط الكهربائي جيداً ثم يصفى جيدا ويصب في كؤوس التقديم ويقدم بارداً..
طبعا فيه سر في بيناكولادا تشيليز وهو راااائع وراح أدلكم عليها

((أحضري كأس به حليب وحلّيه بملعقة حلى (وسط) سكر وقلبيه جيدا ثم صبيه في قوالب ثلج وأتركيه حتى يجمد

ثم في وقت التقديم أخرجي الثلج وأجرشيه جرش خشن ثم ضعيه في كؤؤس التقديم وصبي فوقه المشروب...

وإللي تسوي هالحركة راح تذوق طعم مو طبييييييييييييييعي في البينا كولادا وراح تدعولي..))

((حلى البراوني صاندي))

أول شي بالنسبة لكعكة البرواني راح أوصفها لكم عموما بشكل مبسط
هي تشبه الكيك العادي إللي نعمله بس الفرق إنها متماسكة أكثر وقطعتها عرضها أقل من الكيك العادي وذلك يرجع لدسامتها...لأنها ثقيلة شوي وغنية بالمكسرات وقطع الشوكولاتة..

فإذا حابة تعملي البراوني في البيت راح أعطيكي الطريقة بالتفصيل
وإذا حابة تشتريها من السوبرماركت تلقيها في جهة الكيك وأدوات الزينه الخاصة بالحلويات وهيه تجي في كرتونه مثل كرتونة كيك العلالي أنا عادة ألقاها في شركة(بيتي كروكر) وتجيكي أنواع في شي منها كمية قطع الشوكولاتة أكثر وفي شي منها بدون مكسرات وفي شي منها فيها مكسرات وشوكولاتة سوى..مافي فرق عزيزتي إختاري إللي تحسيه يناسبك أو إللي تحبيه إنتي ..مو شرط تلتزمي بإختياري لأني راح أختار إللي فيها مكسرات وقطع شوكولاتة عشان تصبح بالضبط مثل كيكة تشيليز..


بالنسبة لمقادير البراوني فأنا راح أعطيكم طريقة شركة هيرشي المتخصصة في الحلويات ..وهس مضمونة بإذن الله 100 %
المقادير:
بيضتان
-نصف ملعقة صغيرة بيكربونات الصودا-
نصف كوب ماء مغلي-
ملعقة صغيرة فانيليا-
كوبين سكر
واحد وثلث كوب طحين-
ربع ملعقة صغيرة ملح-
ثلثين كوب زبدة مذابة ومقسمة
كوب واحد من حبيبات هرشي HERSHEY’S SPECIAL DARK Chocolate Chips
ثلاث أرباع كأس من المكسرات المشكلة (عين الجمل ولوز وكاجو) تكون مجروشة


وهذي صورة شوكولاتة هيرشي (الصورة المرفقة)


الطريقة(لعمل البراونيز)
سخني الفرن على حرارة 350 وادهني الصينية ثم اخلطي مع بعض الكاكاو والبيكنج صودا في وعاء كبير
اخلطي ثلث كوب زبدة معهم اضيفي الماء المغلي وحركي حتى يثخن المزيج أضيفي واخلطي مع المزيج السابق السكر والبيض وباقي الزبدة وحركيه حتى يصبح ناعما أضيفي الطحين والفانيليا والملح اخفقي جيدا ثم اضيفي حبيبات الشوكلاتة والمكسرات اخبزي لمدة 35 ل 40 دقيقة او حتى يبدا البراونيز بالارتفاع من الجوانب دعيها تبرد جيدا وهي بالصينية

نجي لطريقة عمل البراوني صاندي والكمية إختيارية لأنها على حسب أعداد الأشخاص وبالقطعة.. في حال عملتي صينية براوني سنحتاج للتالي..

المقادير
علبة أيس كريم فانيليا
بعض المكسرات للزينه
ولصوص الشوكولاتة((فنجان زيت-ملعقتين كبيرة شوكولاتة بودرة غامقة- نصف فنجان سكر- فنجان حليب بودرة-فنجان ماء مغلي))

الطريقة
أولا لعمل صوص الشوكولاتة
تخلط جميع المقادير السابقة لعمل الصوص ((فنجان زيت-ملعقتين كبيرة شوكولاتة بودرة غامقة- نصف فنجان سكر- فنجان حليب بودرة-فنجان ماء مغلي)) جيدا في الخلاط
ثم نعمل لها حمام مائ والسر في الحمام المائي حتى تذهب نكهة الزيت..وفي نفس الوقت عشان تمتزج المكونات في الحرارة وتصبح لها لمعة رائعه مثل الصوصات المستخدمة في محلات الآيسكريم
طبعا كلكم تعرفوا الحمام المائي وهو أن تضعي قدر كبير فيه ماء يفور وتضعي في وسطه قدر آخر أصغر وتضعي بالقدر الصغير مكونات الصوص ونشعل النار ونتركها تنطهي قليلا حتى تبدء تسخن ونقلبها قليلا ثم نطفي عليها...
لعمل البرواني صاندي نقوم بمايلي..

نقطع البراوني قطع مربعه ونضعها في صحون التقديم ثم توضع في المايكويف(هذي الخطوة مهمة لأني أبغ البراوني ساخنه جدا)أو إذا ماكان عندك مايكرويف ممكن تخلي البراوني في صينيتها قليلا في فرن ساخن لمدة دقيقتين..
ثم ضعيها على طوووول في صحون التقديم وضعي فوق كل قطعة كورة كبيرة من الآيس كريم راح تلاحظي الإيسكريم يبدأ يذوب فوق البراوني وهذا سرها(طبعا جزء بسيط إللي يذوب عشان كذه لازم تتقدم بسرعه)) وضعي فوق الآيسكريم الصوص الساخن والمكسرات وقدميها مباشرة..
وسر البراوني هو إنها تتقدم ساخنه باردة..


أتمنى تكون عجبتكم الطريقة حبيباتي
وإنتظروني قريبا مع أروع الأكلات من تشيليز..


تكساس فرايز

يالله نبدا على طوووول بلا قرقرة وكثرة حكي... قدامي كلكم على المطبخ أشوف وإللي ناسية مريلة الطبخ والقبعه ياويلها مني .. (أبلة على غفلة)

أول شي شغلنا مقسم إلى 3 مراحل//

//1//مرحلة البطاطس المقلية//والفلفل الحار//
//2//مرحلة اللحم المفروم//والبيكون//
//3//مرحلة الصلصة والجبن//


//1//مرحلة البطاطس المقلية//والفلفل الحار//

مقاديرنا اليوم هي..
بالنسبة للبطاطس طبعا تختلف الكمية على حسب المقدار إللي حابة تعمليه..
لكن خلينا نقول إن المقدار هذا حيكون ل 4حبات بطاطس كبيرة..تمام كذه..
المرحلة الأولى((البطاطس)) والفلفل الحار))
المقادير هي..
4 حبات بطاطس كبيرة
6 ملاعق كبيرة دقيق
توابل(فلفل أسود -شطة حارة بودرة -ملح)
الصلصة(4 ملاعق كبيرة زيت زيتون-عصيرنصف ليمونة- شطة- 2ملعقة كبيرةجبة كرافت سائلة)

الطريقة:
نقطع البطاطس شرائح طولية ثم تسلق البطاطس نصف سلقه في قدر ملئ بالماء وبه ملعقة من الملح.. لمدة 10 دقائق فقط..ولازم يكون حجم شريحة البطاطس متساوية وقد بعضها كلها حتى تأخذ نفس الوقت في الطهي..

ثم نصفيها جيدا...
ثم نخلط التوابل مع بعضها البعض جيدا ونضيف لها الدقيق ونتركها على جنب
ونخلط مقادير الصلصة لوحدها جيدا ثم نضع فيها البطاطس ونقلبها جيدا ثم نشيل البطاطس الشرائح ونقلبها في خليط التوابل مع الدقيق وإنتبهوا لاتلصق في بعض..
ثم إبدأوا بقليها في زيت غزير....حتى تنضج((تماما مثل البطاطس المقليه))
وبكذه نكون إنتهينا من البطاطس...

الفلفل الحار//

مقادير
حبة فلفل أخضر حار
ملعقة زيت سمسم أو زيت زيتون

الطريقة :
قطعي الفلفل لشرائح دائرية رفيعه وشوحيها لثواني في الزيت ثم صفيها


المرحلة الثانيه //مرحلة اللحم المفروم // والبيكون//

المقادير
نحتاج لكوب من اللحم المفروم النيئ
توابل((ملح وفلفل وشطة وفلفل حار بودرة وإكليل الجبل))
ملعقتين من الزيت

ولعمل البيكون البقري نحتاج إلى حبتين من السجق مقطعه إلى شرائح رفيعه..

الطريقة:
أولا السر المهم هو خلط التوابل جميعها جيدا مع اللحم وهو نيئ,
ثم,نضع الزيت في القدر ونبدأ نشوح اللحم المفروم حتى ينضج معنا..ونتركه على جنب..
وبالنسبة للبيكون نتبل شرائح السجق بالشطة الحارة فقط..ثم نقليها جيدا في زيت غزير حتى تنشف..وتترك على جنب

المرحلة الثالثة//مرحلة الصوص والجبن//

المقادير //نحتاج إلى
كوب ونصف من الحليب
شريحتين من البصل
((نفور الحليب والبصل جيدا حتى يفور ونتبله بالملح والفلفل ونضع عليها بعض الشطة ونتركه مدة 10 دقائق ثم نصفيه))

نصف كوب من جبن التشيدر الأصفر أو كرافت المبشورة
3حبات جبن كيري مهروس
ملعقة صغيرة من الماسترد أو الخردل..


الطريقة:
في قدر صغير نضع ملعقة من الزبدة حتى تذوب ونضع فوقها ملعقة من الدقيق وتقلب جيدا لمدة دقيقة حتى تصبح ذهبية
ثم نبدأ بسكب الحليب المتبل بالبصل بالتدريج فوق الزبدة والدقيق مع الخفق السريع حتى تتكثف عندنا الخلطة وتصبح مثل الكريما ثم نضع عليها الجبن التشيدر والكيري والالخردل وتقلب جيدا حتى يذوب الجبن وتمتزج النكهات..

كذه نكون إنتهينا من الوصفة ونجي لترتيبها في الطبق..
أولا نرص البطاطس
ثم نضع فوقها اللحم المفروم
ثم شرائح البيكون
ثم شرائح الفلفل الأخضر الحار
ثم نصب فوقها القليل من صوص الجبن((القليل جدا))
ونترك الباقي في طبق أو زبدية صغيرة بجانب طبق التكساس فرايز


عندها لكم اليوم

مكرونة خياااااااااالية وطعمها فوق الخيااال

نعطيكم المقادير

المكرونة الإصبع المشطوفة من الجنبين ((أكيد عرفتوها))
علبة قشطة الخفق ((الحجم الصغير))
شريحتين من صدر الدجاج الخالي من العظم ((مقطع شرائح صغيرة جداً))
ثوم مدقوق
زعتر بري
ملح وفلفل..
أعشاب إيطالية..
جبن موزاريلا مبشور
علبة فطر مقطع شرائح.

نجي للطريقة

أولا تسلقي المكرونة بماء مغلي وشوي زيت وملح حتى تنضج تماماً ونصفيها من الماء..

ثانياً طريقة تحضير الدجاج..
نضع الزبدة في القدر حتى تذوب ثم نحمر فيها الثوم قليلاً ثم نضع الدجاج المقطع فوقها ونقلبها بسرعه لمدة 5 دقائق حتى يتحمر الدجاج ثم نضيف له الفطر ونقلبه جيداً ...بعد ذلك نصب فوقها قشطة الخفق ونقلب جيدا ويترك الخليط 5 دقائقيطهى على نار متوسطةحتى تمتزج النكهات...
ونتبله بالملح والفلفل ونضع عليه الزعتر البري والأعشاب الإيطالية... وبعد أن ينضج نضيف فوقه المكرونة المسلوقة ونقلب جيداً حتى تمتزج جميع المكونات مع بعضها البعض ثم نضع الخليط في صينية,ونرش فوقها الجبن وندخلها الفرن لمدة 10 دقائق ((نولع عليها النار أول مره من تحت لمدة 10 دقائق حتى يتماسك الخليط)) ثم بعد ذلك نولع عليها النار من فوق لثواني حتى يحمر الوجه وتقدم وهي ساخنه...

ولاتنسوى الشيف ريريتا من دعواتكم لأني متأكدة 100 بالميه بإذن الله إنها راح تعجبكم وراح تتجنوا عليها...الصراحة أنا لما أسويها مايبقى شي في الصينية...

مشروب التراميسو المثلجة .. الخاص بي ((مميز))
هذا المشروب الرائع من إحدى ابتكاراتي ,جربيه وما راح تندمي

المقادير والطريقة(الكمية لكوب واحد)
ضعي في الخلاط الكهربائي حبتين مكسرة من بسكوت(دايجستيف) وملعقة صغيرة نسكافة وماء بارد و أتركيها قليلاً لتلين,ثم أضيفي ملعقة صغيرة من كل من (سكر-دريم ويب-قشطة-بودرة شوكولاتة مره) وقطعتين ثلج وحليب بارد
أخلطي الجميع في الخلاط الكهربائي حتى تتكون رغوة كثيف,ثم صبيه في كوب التقديم ورشيه ببودرة الشوكولاتة المره وزينيه بإصبع من البسكويت الطويل..
ويقدم مثلجاً..
سوف تتذوقين طعم البسكوت الذائب في المشروب ذو النكهة الخرافية

...من دون ماأطول عليكم,,,راح أعطيكم سري الكبييييير في مطبخي.... وهو
مكرونة إيطالية طعمها ساااااااااااحر يوديك لإيطاليا ويرجعك......

بدون إطاله....المكرونة هدي 3طبقات


الطبقة الأولى(إللي تحت)) وهي طبقة المكرونه
مقاديرها:
مكرونة إسباغيتي ((الطويله))
ملح +شوية مويه وزيت قليل لسلق المكرونه+أعشاب وتوابل إيطاليه(السلطانه)+زبده

طبعا تسلقي المكرونة في الزيت والماء مع قليل من الملح ثم نصفيها ونضعها في طبق التقديم ونضع عليها القليل من الزبده ونقلبها وهي ساخنه حتى تدوب الزبده ثم نضيف لها قليل من الفلفل الأسود والأعشاب الإيطاليه وتقلب جيدا...وتترك على جنب..

الطبقه الثانيه...((الوسطى))طبقة الدجاج المبهر مع صلصة الطماطم والزبده
مقاديرها:
بصلة شرائح+فصين ثوم مفروم+دجاجه مسلوقه ومخليه من الجلد والعظم مفرومه فرم متوسط+طماطم معصورة ((حسب كمية الدجاج تقريبا تطلع لها 4 حبات))+صلصة طماطم السعودية+ توابل إيطاليه حاااره+أعشاب إيطاليه+فلفلأسود وملح +زبده

تشوح البصلة ثم الثوم في الزيت ثم تضاف لها صلصة الطماطم المخلوطه مع عصير الطماطم في الخلاط وتترك حتى تتسبك..ثم نضيف لها الدجاج المقطع ونقلبها مع الملح والفلفل والأعشاب والتوابل وأخيرا نضع عليها الزبده حتى تدوب فوقها ونقلبها جيدا ونضعها بعد دلك فوق الطبقة الأولى...

الطبقة الثالثة ((والأخيرة))إللي فوق وهي السر..
مقاديرها:
مسلوقة دجاج+جبن كرافت سائل+جبن كرافت مبشور+شرائح جبن موزاريلا+عشبة الأوريغانو+بابريكا(بودرة الفلفل الأحمر الحلو))

نضع الأجبان سوى ماعدا جبن الموزاريلا مع بعض في كوب ونصب عليها القليل من مسلوقه الدجاج حتى تتجانس ثم تصب فوق الطبقة الثانيه وتوزع جيدا ثم ترش عشبة الأوريغانوا والجبن الموزاريلا وآخر شي نرش فوقها البابريكا...ودخليها الفرن وشغلي عليها الشواية علشان يحمر وجهها......
وأدعوووووووووووووووووولي يابنات لما تتمنو تاكلوا أصابعكم العشرين وراها.....

سر من أسراري: *إدا رحتي كنتاكي وطلبتي بوب كون...لاترمي البودرة التوابل إللي تجي معاه بل إستخدميها في طهيك...ومن ضمنها ((التوابل الإيطاليه))


مولــــتن كيــــك

المقادير:

علبة كيك بيتي كروكر جاهزة ((شوكولاتة سوداء غامقة)) أو حابة تعملي كيكة في البيت هذا شي راجعلك بس الجاهزة أسرعلك...

شوكولاتة جالكسي سادة +شوكولاتة hoppyالموف أكيد كلكم تعرفوها..
((طبعا العدد حق الشوكولاتة أنا ماحددته لأني ماأعرف إنتم كم كمية الكيك إللي راح تعملوها..بس أهم شي لازم تعرفوه هو إنك لو إستخدمتي حبتين جالكسي تستخدمي 4 حبات هوبي..يعني مقدار الشوكولاتة الهوبي يكون ضعف الجالكسي لأن حجمها يجي صغير شوية..))

مقدار من صوص الشوكولاتة((إللي ذكرت مقاديره وطريقته في البراوني))

مقدار من صوص الكراميل الجاهز أو إعمليه بالطريقة التي في الأسفل ..وهي طريقة الأخت أم سعود..

آيسكريم الربيع بالفانيليا ((ولو مالقيتوا الربيع إستخدموا أي نوع ثاني بس ترى ألذ إيسكريم فانيليا هو آيسكريم الربيع طعم الفانيليا وااااضح فيه حتى لون الآيسكريم سكري مو أبيض))

الطريقة....أولاً : الحشوة تحتاج لوقت يعني إعمليها من اليوم إللي قبله..سخني في حمام مائي كمية الشوكولاتة التي تحتاجينها من الجالكسي والهوبي..((ومثل ماتفقنا الهوبي ضعف كمية الجالكسي))مع ربع إصبع زبدة وملعقة متوسطه من العسل وأتركيها حتى تذوب الشوكولاتة تماماً..ثم صبيها في قوالب ثلج دائرية وجمديها في الفريزر..


في اليوم الثاني إعملي الكيك بالطريقة الموضحه على العلبة وولكن لاتصبيه في قوالب الكيك العادية بل في قوالب الكريم كراميل المشرشفة الجوانب..

بعد خبز الكيكة وخروجها من الفرن تأكدي من أنها بردت تماما ثم إقلبيها وأخرجيها من القوالب..

يصير شكلها تقريبا هرمي ولكن بدون قمة((قمة الهرم تكون مسطحه)) إنتم فاهمين قصدي طبعا..لأنها جاية على شكل قالب الكريم كراميل..

ثم إحفري من منتصف القمة المسطحة على الداخل مسافة تكفي لنصف فنجان قهوة...

ضعي في كل حفرة قطعه من دوائر خلطة الشوكولاتة الشهية المجمدة..
ثم أدخليها المايكرويف((طبعا الأفضل هو المايكرويف))وإذا ماعندك مايكرويف حطيها بالفرن مجرد دقائق لتذويب الشوكولاتة فقط..

أخرجيها مباشرة من الفرن... وتكوني مسخنة صوص الشوكولاتة((إللي كتبتلكم مقاديره في البراوني)) ثم صبي الصوص فوق الحفرة فوق الشوكولاتة المذابة حتى تمتلئ ثلاث أرباع الحفرة ثم ضعي كورة كبيرة من الآيسكريم فوقها بحيث تقفل الحفرة تماما((يعين إللي يشوفها مايقول إنه في حفرة أصلاً مجرد كيكة وفوقها آيسكريم))

ثم صبي فوقها صوص الكراميل وقدميها فوراًً((لأن فكرتها مثل البراوني ساخنه باردة))
وتمتعوا بالطعم الراااااائع والشهي..

صلصة الكراميل

المقادير
كوب سكر ناعم او خشن
ملعقة كبيرة دبس الذرة ( كورن سيرب )
ربع كوب ماء
نصف كوب كريمة خفق
2 ملعقة كبيرة زبدة ( ربع اصبع )
ملعقة صغيرة فنيلا سايلة

الطريقة
نخلط السكر مع الماء مع دبس الذرة ونضع على نار هادئة مع التحريك المستمر حتى يتجانس الخليط ويصل إلى درجة الغليان ثم نتركه من دون تحريك حتى يصل إلى اللون الداكن المطلوب ( انا احبه يكون ليس فاتح كثير وليس غامق كثير .. خير الامور الوسط )
نرفع الوعاء من على النار ثم نضيف كريمة الخفق الساخنة ( في هذه اللحظة سيفور الكراميل بشكل رهيب جدا .. لن يتطاير طبعا ولكن احرصي ان لا يكون طفل كثير الحركة بجانبك عند عمل هذه الوصفة ) حركي جيدا واستمري في التحريك
لاحظي كيف بدأ يفور بعد اضافة كريمة الخفق الساخنة ( طبعا لن يفور إلى درجة التناثر )
ثم اعيد الخليط إلى النار الهادئة واضيفي الزبدة المقطعة إلى شرائح لسهولة ذوبانها وحركي حتى تذوب الزبدة ثم ارفعي الوعاء من على النار وواصلي التحريك
واصلي التحريك والوعاء مرفوع من على النار حتى يبرد قليلا ثم اضيفي الفنيلا وحركي خمس إلى ست دورات ثم صفيه بمنخل ناعم في وعاء الحفظ ..
إلى هذه المرحلة هذا الكراميل يستخدم لاي وصفة يدخل فيها كراميل