الموضوع
:
للرشيقات واللي اوزانهم مثالية فقط,,والدبدوبة تدخل للاستفادة
عرض مشاركة واحدة
كتبت : °o.OجوليO.o°
-
للرشيقات واللي اوزانهم مثالية فقط,,والدبدوبة تدخل للاستفادة
سلااااااااااااام بنااااااااااات
انا افكر بعد مااسوي رجيمات و اوصل وزن معين اني ابدا اكل مثل الاشخاص العاديين
انا قصتي قصة مع الاكل >>ماودي اقولها بس بقول لكم اخر مرة اكلت فيها بشكل طبيعي يمكن كان عمري 6-8 سنين وبعدها ماودي اعلمكم وش صار
مالي خلق اسرد القصة المريرة
المهم>>عندي اسئلة وودي تجاوبوني عليها عشان اتعلم منكم
كم مرة تقريبا تاكلون باليوم؟؟
هل تاكلو لان وقت الغدا واللا وقت العشا جا واللا لازم تاكلون ع جوع؟؟
كيف تقررو وش تاكلو؟؟يعني تاكلون الموجود واللا اللي نفسكم فيه بس؟؟والى اي درجة نفسكم في الاكل لازم يكون
ووش هي الكمية اللي تاكلو فيها؟؟
خلنا نقول عندك علبة شكلاتة,,كم وحدة تقريبا تاكلي؟؟او عندك علبة ايسكريم كبيرة..كم ملعقة تقريبا تاكلي؟؟
هل تفكرون بالاكل بين وجبات الطعام الرئيسية؟؟يعني كم مرة تاكلون سناك باليوم تقريبا؟؟؟
تسوون تمارين رياضية او لا؟؟
اعذروني كثرت عليكم اسئلة بس اعتبرو ان فيها عمل خير لي وللدبدوبات ان شاء الله
انا ادري فيه بنات نحيفات ولا واياهم نحافة بعد وياكلون اكثر مني>>هذا لان الوراثة وخلقة الجسم تلعب دور>>وانا معي تكيس مبايض كمان وهذا شي للاسف يساعد ع تخزين الدهون بالجسم
بس وش نسوي اللي الله كتبه ,, كل انسان وله نصيب بهالدنيا
وللمشرفات::لاتقولون لي هذا الموضوع المفروض ماينحط بهالقسم
لا هذا الموضوع هذا مكانه لان البنات الرشيقات اكيد مايدخلون قسم الرجيم,,فحبيت احطه هنا عشان كل البنات يشوفونه مو بس الدبدوبات ربي ينحفهم بصحة وسلامة