<== واخيرا لقت الموضوع
صار لي اكثر من ساعه وانا ادوره
ماشاء الله اقسام كثيره ومتشعبه

من يومين دخلت ال عن طريق تيلفوني وقريت موضوعج يااخد القمر
ووصلت تقريبا للصفحه ( 10 ) <== خلاص تبططت عيونهاا ..

عن جد تجربه تستحق القراءه .. وانا جدا معجبه بطرحج للموضوع واصرارج الواضح
والاحسن من هذا كله .. انج توصلتي للسر الجميل .. (( طبيبه نفسك ))
وصدقتي لما قلتي اننا ننحف ونرجع دبل اذا تركنا الرجيم .. يعني مافي فايده ومعناتها بنقضى اعمارنا كلها رجيم & رجيم

انا من الناس اللي تعبت من الانظمه الغذائيه .. ( والكذب خيبه ) ماكنت استمر عليها اكثر من اسبوعين
وبالاخير .. ( عادت ريما لعادتها القديمه )

اكثر مره نزلت فيها كان وزني 83 وسويت رجيم ونزلت لغايه الـ 60 ( تقريبا 23 كيلو )
والحين ماشاء الله ولا اله الا الله صرت 104 قريب الدبل ههههههههه
شي يقهر صراحه

والحين انا بعد التجارب والمحاولات والوزن اللي اكتسبته .. بالاضافه الى كلمات الاحباااط الي اسمعها دايم
يأست جدا جدا جدا .. وحسيت اني حلم الرشاااقه اصبح شي مستحيل
والله كل ماابي احاول ابدا يومين او ثلاث .. بالكثير اسبوووع ,, وارد اتركه وانا كلي يأس
حسيت ان حلت على لعنه اسمها سمنه .. ومااقدر اتخلص منهاا

والله مو عارفه شنو اسوي بس عن جد لما قريت الموضوع .. وطريقتج الشيقه بسرد الاحداث خليتينا نعيشها لحظه بلحظه
خاصه ان تقريبا اكثر الموجودات اهني .. نعاني من الامر نفسه .. وهو الشهيه المفتوووحه ع الاخر
ماغير نعبي بهالكرووووش ..

انا معاكم ان شاء الله ببدا .. بس الى الان مو عارفه متي !!
(( محاصرني الخوف من الفشل المعتاد ))

* * *
يؤؤؤ .. ياكثر قرقتي .. السموووحه منكم
توني انتبه ههههههه