بسم الله الرحمن الرحيم

اهلا بك عزيزتي
ان شاء الله تكوني اسم على مسمى ويظل الحماس والالتزام على طول وهذا املي فيك

حبيبتي كتله جسمك 37 والطبيعي هو 20 الى 25
ومثل ماتعرفين ان السكر الفئه الثانيه اللي انتي مصابه فيه سببه الرئيسي السمنه

يعني الهدف عندنا مو مجرد وزن مناسب وشكل حلو بل ايضا التخلص من الامراض الله يبعدك عنها

عطيتيني فكره عامه وشامله عنك وعن الاكل اللي تحبيه وباخذ كل كلمه بعين الاعتبار في عمل برنامجك :)

باقي اعطيك فكره انا عن البرنامج اللي انتي داخله عليه

البرنامج عباره عن 4 اسابيع كل اسبوع من السبت الى الاربعاء يكون نظام عادي يحتوي على 5 وجبات

والخميس بيكون نظام ديتوكس نظام التخلص من السموم

اما الجمعه بيكون لك الخيار اما تكملي نظام الديتوكس او تمشين على نظام الاسبوع العادي

طبعا كل جمعه نبدأ نحسب كم خسرتي من الوزن

ان شاء الله نبدأ من يوم السبت القادم وبنزل لك اليومين القادمه البرنامج حتى تكملي اي شي ناقص عندك في المطبخ وتكوني مستعده من يوم السبت


بالتوفيق احتي واذا عندك اي استفسار لا تترددي :)