الموضوع
:
مش اى اى ولا زى زى كل المطلوب هاتى بخور وتعالى جرى (بلاد العرب اوطانى)
عرض مشاركة واحدة
كتبت : ولا احلى
-
مش اى اى ولا زى زى كل المطلوب هاتى بخور وتعالى جرى (بلاد العرب اوطانى)
صباح الفل والياسمين على الحلوين
ثانى موضوع لى فى حملة
بلاد العرب اوطانى
اليوم
موضوعى
مختلف
واكلتى مختلفة
وبرده الريحة مختلفة
عرفتوا طبعا معايا ايه
زى ما العنوان
بيقول هاتى بخور وتعالى وعلى ضمانتى
و
خلالالالالالاص
هابطل رغى
وهادخل فى الموضوع
طريقة عمل
الفسيخ المصرى
فى البيت بالخطوات
المصورة
الفسيخ دا من الحاجات اللى عمرى ما اشتريها من بره بصراحة بخاف لأن فى كتير بيكلوه وبيضرهم
فامفيش احلى من حاجة البيت
وخصوصا حاجة
ملوكة
اوكا
اوكا
وسهل جدا جدا وانا حبيت اصورلكوا فى عينه صغيرة عشان وضوح الصورة
المطلوب
اول شىء
سمكتين بورى طازة
ثانى شىء
ملعقتين ملح خشن او ناعم كبار فى طبق
ثالث شىء
ملعقة ملح صغيرة وملعقة شطة صغيرة فى طبق
الطريقة
1-
بعد ما نشترى السمك نغسله كويس جدا من غير ما نفتخ بطنه نغسل الخياشيم كويس اوى
2-
ونتركه يوم كامل فى كيس مربوووط 24 سااعة
نيجى ثانى يوم نفتح الكيس ونطلع السمك ونغسله بميه مغليه عشان نقتل الميكروبات
وننشف السمك بمناديل مطبخ كويس جدا جدا جدا الخ الخ......
ونحضر الأطباق كدة
نحشى الخياشيم بالطبق اللى فيه ملح والشطه
ونجيب كيس ونحط فى السمك وعليهم الملح السادة
نربط الكيس ونلفه كويس وتقلبى فى الكيس لحد ما تلاقى السمك خد الملح كله
تقفلى الكيس بالطريقة دى
وتلزقيه كويس
وبعدين فى كيس تانى وثالث وورقة جرائد وتلزقى وكيس رابع
شوفتوا الغلبان اتكتف واتحبس ازاى؟؟
عشان نضمن ان ما فيش اى رييحة طول فترة سوااه
نجيب ورقة ونكتب عليها التاريخ ونزلقها
ونقابله كمان عشر ايام
ونشيله فى اى مكان فى المطبخ عادى
طول الفترة دى مافيش اى ريييحة خالص
كمان عشر ايام هاتى الكيس وصينيه وبخور
انا بحزركوا لازم تولعوا البخور قبل ما تبدوا والإ
نفتح الكيس ونطلع الفسيخ
واحلى من احلى فسيخ من احلى فسخانى
شلت الراس والديل وفتحته
اخر نضافة واحمر ويفتح النفس
بس انا مابكلهوش كدة لازم اخليه واشيل السل كله عشان اكل بروااقه
وشوية زيت وليمون واخر جمال
وطبعا ما نستش الرنجة والبصل الأخضر والجرجير والسلطة
وبسم الله
ابدأ الإقتحااام
وبعد ما نخلص نغسل سنانا
وميه ميه
صدقوونى جربوه وهايعجبكوا
جداااااااا
واتمنى اشوف الثلاث اشياء اللى بحبهم
الإبتسامة
والتعليق
والتقييم
الى اللقاء