السلام عليكم ...

انا يابنات اعاني من السيلولات من يوم كان عمري 20
والسبب اني احب الملح
اكل وفي يدي ملاحه وارش مع كل قضمه .. هالشي طبعا تغير .. لكن مستحيل اطبخ من دونه ..
المهم ...
مع الولاده زاد وحملت ورا بعض ...
صار شنيع
لا يطاق
يبين من الملابس ...
والله تقولون ريل عجوز ريل وحده عمرها 50 مب 26
والحين خف (طبعا ما راح) لكن اقول 80% اختفى مب مصدقه لانه من اسبوعين كنت اشكي منه .. لكن الموضوع يبيله صبر ..
واكيد تعرفون شلون خف ...
فيه غيرها .. اكيد الرياضه لكن مب اي رياضه .. كنت مركزه على رياضه الجزء السفلي من الجسم .. مرات الاوربي تريك ومرات بس رياضه الجزء السفلي(مع مدربه ) ومرات البطن كل الحركات اللي فيها الجزء السفلي وفي الجم عندهم جهاز اثقال للافخاذ من على جنب ومن داخل .. لكن افضل رياضه للسيلولايت هي البيلاتيز او البيلاتس pilates ممتازه جربتها قبل لا احمل وكنت مداومه خف السيلولات بشكل ملحوظ ورجعت حملت ورجع السيلولايت مثل ماذكرت لكم وبعدها رجعت للبيلاتس ورياضات الجزء السفلي وفعلا خف .. لكن بالتدريج .. تخيلوا بعد شهر رياضه ماتغير شي .. وبعدها باسبوع نفس الشي لكن فجاه شفت نفسي مافيه شي جسمي مرتب ومافيه الا غمازتين كبار في كل ريل والصغار ما يبينون بس الغريب انه فيه ترهل مادريم تى بيروح بس وااااايد خف ...
الرياضه هي الخلاص طبعا لازم نلتزم فيها انا التزمت 5 ايام في الاسبوع 45 دقيقه الاحماء بس 15 دقيقه (انا قبل كنت التزم 3 مرات 20 دقيقه شهر وماشفت نتايج ) ولما زدت الرياضه لقيت نتيجه .. البيلاتس رياضه غير متعبه وماتحرق لكن مؤلمه ..هي رياضه تحمل ومقاومه اكثر من حركه وحرق لكنها تشكل الجسم ولما امارسها احس العضلات الداخليه تشتغل ..البيلاتس امارسه مرتين والباقي تمارين متنوعه للجزء السفلي لاني في النهايه ابي احرق وابي انزل الوزن ..
وطبعا لازم ترطيب الجسم قبل ممارسه اي رياضه سواء كارديو او بيلاتس اي وبعد اشرب شاي اخضر مرتين ..
ملاحظه في هالاسبوعين اللي لاحظت فيهم تغير في السيلولايت ما نحفت ولا غرام .. يعني الجسم بالتدريج مره ينزل وزن من دون مقاسات ومره مقاسات تتغير بشكل كبير لكن الوزن ماينزل كثير
وانا ضعفت من فوق 8 انش ومن تحت ولا انش تخيلوا !!! عشان جي ركزت على الجزء السفلي
الحين تركيزي على اليد واستخدم جهاز نفس الدراجه بس لليد لمده دقيقتين ههه والباقي اثقال ..
بليز ادعوا لي زنودي تخف وكرشتي ترووووح