الموضوع
:
حملة العنايه المكثفه (( الكل يشارك يفيد ويستفيد ))
عرض مشاركة واحدة
كتبت : ولا احلى
-
جدول ملوكة
للبشرة
اكيد انا زى اغلبية البنات
بشرة دهنية + حساسة + حب شباب واثاره + باهتة + هالات سودا+ بثور + الخ......
بس بعملها جدول يومى ومتغير والحمد لله
مش باين عليها المشاكل اللى
مجننانى بيها
جدول سهل جدا
1-اول شىء بشرب ماى بلا ملل
والله جايبة نتيجة معاى روووعة
2-معلقة خميرة مع معلقة عسل نحل يوميا على الريق
طعمه مش وحش وبيدى نضار للوجه رهييب (على فكرة مش للوجه بس دى بتمنع تساقط الشعر ووالله اكثر من دكتورة نصحتنى بيها كمان كنت باخد فيتامين زى
فيتامكس
وقالتلى اوقفه واخد الخميرة احسن )
3-ماسك البابايى
ماشيه عليه بقالى يومين بس
لقيت فوائد فاكهة الباباى فوائدها للبشرة مكسرة النت والدكاترة بيقولو عليها
رحت اشتريت زى الشاطرة الفاكهة
وهرستها وحطيت عليها
عسل نحل وجوز هند وشلتها فى الثلاجة
وكنت هاكسل اعمل ماسك لأن ريحتها
يعنى فوق الوصف
بس لا مفر وحطيت منها على وشى وتدليك خفيف وسبتها لمدة نصف ساعة
ورحت شطفت وشى بماى دافية
بس والله النتيييجة روووووووووووووعة زى ما الدكاترة قالو عليها من اول استعمال
بتنور الوش وتحمر الخدود غير انها بتفتح البشرة
بجد انصحكو بتجربتها والجوز الهند بيحسن من الريحة شوي
وكمان لاحظت ان الهالات قلت شوية
بعمل الماسك دا يوميا او بستبدله بماسك قشر الموز اكيد انتو عارفينه هو كلمة روعة قليلة عليه لأنه بيفتح البشرة جدا
دا رابط موضوع كنت كتباه فيه
كنت هانسى
اقول لكم شىء مهم
لازم بعد اى ماسك اول ما بشطف وشى امرر ثلجة عشان اسد المسام
4-الصنفرة
بعمل صنفرة
بضيف شوية ملح حليب على صنفرة المشمش او اللى بستخدمها واصنفر بيها وشى لمدة 30 ثانية وبراحة جدا عشان حامية شوي
جمييلة جدا بعملها مرتين او مرة فى الإسبوع بتنضف الوش جدا
واخييرا وليس اخرا
5- حبوب زيت جنين القمح
ياسمين حمدى مرسى ليها كانت عامله موضوع وقالت عليها وشكرت فيها جامد اوى
نزلت جبتها اول امبارح
طبت منها امبارح على وشى واول ماصحيت شطفته
حسيت انها بتنعم البشرة جدا بس لسة منتظرة باقى النتايج
ان شاء الله نتايجها حلوة
ومش هاضحك عليكوا بس انتو عارفين الكسل وكتير بكسل اعمل حاجات او بتشغل خصوصا فترة الدراسة
بس الحمد لله بشرتى كويسة جدا على الجدول دا ووالله اللى بيشوفنى بيفتكرنى حاطة ميك اب هههه
وعلى فكرة مش شرط الجدول دا احيانا بعمل ماسك الترمس او ماسك الردة او الخميرة والصنفرة اعملها باللبن
اى حاجة المهم ماتضرش البشرة
عاوزين نتشجع ونستمر شويتين عشان انا مش بحب الكسل
طبعا كل دا مايخدش من يومك غير نصف ساعة او ساعة الا ربع واعتقد دا مش كتير عشان بشرتنا
مش كدة ولا ايه
لى عودة لتكملة باقى مغامرات
ملوكة مع القسم الجمالى