بسم الله الرحمن الرحيم



طبق كاليمارى بالصويا صوص بجد طبق خفيف ولذيذ جدا ودايت 100%

ما تنسوش الدعوات لى بالصحة والستر والرزق وحسن الخاتمة يارب ولكم بمثل

ها نقول المقادير:

كاليمارى نظيف ومغسول كويس بالماء والخل +طماطم+ فلفل أخضر+ بصلة+ 3 فصوص ثوم
+خضرة شبت وبقدونس + صويا صوص أهم حاجة :)


نقطع كل حاجة البصل حوانج والكاليمارى زى شرائط وخالى بالك فى طبقة خفيفة قوى شفافة بتتشال


على النار نشوح البصل والثوم بمعلقة زيت عباد الشمس


نحط باقى المكونات ونقلب


نحط الكاليمارى ومعاة الصويا صوص وبعدين رشة ملح + فلفل أبيض أو اسمر


ونقلب كويس قوى ونغطى والميزة فى الكالميرى انة سريع جدا يعنى 10-15 دقيقة بالكثير ومش محتاج ماية ولا حاجة


وبس شوفتوا سهل إزاى وبالهنا والشفا على قلوبكم ويارب يعجبكم يارب