نبدء بسم الله
1
إيه الأساسيات إللى بتكون معاكى وإنتى داخله الحمام ؟
البورنس والليفة المغريبية والليفة العادية احبها خشنة والشاور جيل ومزيل العرق
2
برنامج عنايتك بيكون كل قد ايه؟؟؟؟؟؟؟
في الصيف والجو ده كل يوم
بس في ايام عناية بضمير ههههههه
وفي ايام عناية علي السريع حسب وقتي وحالتي المزاجية
3
بتستعملى شامبو وشاور ومرطب نوعه إيه ؟؟
والله انا قعدت فترة استخدم بانتين
وبعد كده بلموليف لكن شعري مش مرتاح عليه قوي
والشاور جيل
كامينا
او
لوكس النبيتي او الكريمة والخوخ خطير
المرطب كنت بستخدم زيت جونسون للاطفال
بعد كده
استخدمت كريم ايفا
وحاليا استعمل اكياس عينة كده اخويا كان جبهالي هههههههه اسمها فروتيني بالفراولة والاناناس تحفة
4
إيه الكريم أو زيت الشعر إللى بتستخدميه ؟
بستعمل حمام كريم ماكسيم بالنخاع
وزيت زيتون خام
وكريم بارشوت جولد بس اما اكون مستعجلة
وفي كريم اسمه مينك بس شعري مرتحش عليه
5
ماهو نوع العطور إللى بتستخدميها لتعطير جسمك؟؟
ممممممممممم والله استعملت حاجات كتير
لكن المفضل عندي بلو ليدي بس كان زمان بقي
دلوقتي عندي اندرا
جوتشي
6
ماهو كريم البشرة إللى تبعك وما تستغنى عنه أبدا ؟؟
انا ببدل كل فترة نيفيا مع ايفا الموف
ومع جونسون الابيض
روووعة
استعمل الكريم كل شوية بحب الكريم قوي
ولنعومة اليد شاور لوكس الاخضر المخصص لليد
وبعد كده الكريم
7
بتحبى أى نوع من المكياج الصارخ ولا النعومى الهادئ ؟
لا بحب الميكياج اللبناني الاهتمام بالعيون اكتر شيء
بحب الكحل ومقدرش اجلس بدونه
وبحب البودرة الخدود البيني او الفوجيا الغامق بوزعها بتناسب بشرتي
لكن لان شفايفي وردية مش كل الروج بيبان عليها
بحب الملمع او الروج الخفيف واحيانا الاحمر اللامع
واحب ظل الجفون الازرق بدرجاته والاخضر الفيروزي
وطبعا الماسكار
لكن لما اخرج بضع كحل وماسكار خفيف جدا فقط
تحبى تستخدمى إيه لتغيير لون شعرك ؟؟
مصبغتش شعري من يوم فرحي
الا من فترة كان بدء يكتر الشعر الابيض استخدمت بودرة اسمها جلوري بس مش حلوة خالص
وممكن علي العيد اصبغ تاني بس لون بني لاني بحبه جدا