الموضوع
:
المفتول الفلسطيني من مطبخ ...منااياا
عرض مشاركة واحدة
كتبت : منايا1977
-
المفتول الفلسطيني من مطبخ ...منااياا
اليوم عملت اكله الكل بيحبها ويموت فيها
وطبعا هي مش سهله ومش اي شخص بيقدر يعملها
لكن انا عملتها للضيوف وصورت الخطوات وجيت ركض انزلها لكم تشوفوها وطبعا تقيموني بعد كل هالتعب
نبدأ بالمكونات والطريقة على طووووول
اولا طحين قمح +طحين زيرو
ونرش عليه شوية ملح ونبدأ برش الماء بشويش
ونحرك الطحين بطريقة دائرية بالايدي حتى يتم فتل الطحين وتتكون عندنا كرات صغيره
المرحله التانية من الفتل
وطبعا نفتل اكثر حتى يتكور كل الطحين
بشكل صغير جدا
وبعدين انزله عن الغربال
بهاي الصوره
واخيرا نضع المفتول في طنجرة خاصة للمفتول ويتم طبخه على البخار مرتين
وطبعا بين كل الطبخه الاولى والتانيه نفرم بصل ناعم وفلفل اخضر وملح وبهارات وكمون وفلفل اسود ((نسميها عندنا كمره)) ونضعها في منتصف المفتول
هلأ اليخنينه تتكون من ........
بصل شرحات
بندوره مقطعه كبيره
حمص مسلوق مسبقا
قرع اصفر مقشر ومقطع
اولا ندبل البصل بالزيت على النار ثم نضيف الحمص
ثم نضيف البندورة والقرع الاصفر
ثم الملح والبهارات حتى تتسبك البندورة ويستوي القرع والبصل
هلأ مرحلة التقديم..............
اولا نضع المفتول في الصينيه
ثم نضع على الوجه يخنه
ثم نضع الدجاج
واكيد بعدها يقدم ونبدأ بالهجوم عليه
اذا عجبكم قيموني بس لأني تعبت بالفتل والاكل طبعا
خخخخخخخخخخ