هلا التعيسة حبيبتي

أنا أشوف الريجيم اللي تتبعينه وااايد مريح من ناحية الأكل

و يخليج تنزلين براحة ... اذا انتي من النوع اللي ما يقدر يستحمل الريجيم كثير

لا تضغطين على عمرج وايد بس هذا مو يعني انج تاكلين الدهون كثيييييييييير لا

انا ريجيمي يعتمد على الاكلات الصحية و الخالية من الدهون خلال الأسبوع كامل الا يوم واحد و هو السبت

و في هاليوم بقيس وزني الصبح و بعدين آكل وجبات فري عشان لا أتعب في الريجيم

بس ما أكثر من الأكل لدرجة التفريط في الأكل و أنا أنصحج انج تقللين من الفواكه

و خلي فطورج يكون أكثر من عشاج .. لأن الفطور وجبة مهمة تخليج تتقوين و تتغلبين على الجوع شوي لين

ما يجي الغدا ... و العشا خليه أخف الأشياء لأنه هو المصيبة فأغلبيتنا ينام بعد ما يتعشى مباشرة و هذا مب زين

أو يتعشى متأخر يعني نامي بعديييييين و أحسن وقت للنوم بعد العشا انج تنامين بعد اربع ساعات من بعده

و ريجيمج يالغلا ما فيه شي .. كله صحي بس أحسه انه ينزلج في الأسبوع كيلو أو كيلوين ... مادري هذا اعتقادي

لأن فيله وايد فواكه ... و ان شاء الله البنات بعد يفيدونج ^^