بنات اى وحده تقرا قصتى تحط نفسها في مكانى وتقولى ايش تقرر
انا متزوجه لي 8 سنوات عندى بنت عمرها 7 سنوات وولد عمره سنه
زوجى يحبنى لابعد درجه وعمره مارفض لي طلب
امه ساكنه معايه في نفس الشقه تحبنى وتحب عيالي وتعاملنا معامله فوق الطيبه نفسها
ماتبغا تزعلنى وتبغانى احسن وحده بين اللي حوالينا وتحب توري الناس انه انا وهى متفاهمات ونحب بعض وما ترضى اي احد يغلط على
لاكن انا ما قدرت اتحمل تواجدنا في بيت واحد علما ان زوجى وحيدها يعنى ماعندها غيره
وزوجها اللي هو ابو زوجى توفى وعمر زوجى 4 شهور
وعاش طول عمره مع امه ولما تزوجنا قالي بنسكن مع بعض وانا وافقت وبعد الزواج غيرت رأيي
الحين زوجى ماعنده امكانيه انه يفتح بيتين وبالايجار بعد
وانا جالسه باليل والنهار ازن عليه علشان نستاجر شقتين بس خايفه من العواقب
وفي نفس الوقت اقول من حقي يكون لي بيت مستقل
احترت وانا اقارن واحترت وانا احاول اجمع بين السلبيات والايجابيات في حاله انا نصير في بيتين
اشوف في عيونها نظره عتاب لانى رافضه تواجدها معي رغم كل اللي تسويه عشان ترضينى
زوجى عايش بين نارين صارت حياتنا متعبه ومابيدينا حيله
رجاء اي وحده ترد على موضوعى اسألها بالله لو هي مكانى ايش كان قررت ويكون قرارها صادق مع نفسها ومعي مابي مجاملات