السلام عليكم بنات.. كيف حالكم.

أنا 19 سنة طولي 173 ووزني 184 تقريبا..

من بداية رمضان وانا قاعدة اسوي ريجيم ... اللي يجنني اني قبل الفطار وانا 81.5-82

ويدوب بعده اوصل مرة ثانية لل 84 مع اني والله ماكل كلش.. بس اشرب 2 كوبين ماي قبل الفطور .. وما آكل تمر .. ولا حلويات ولاشي.. وبس وجبة الفطور اللي غالبا سلطة مع ربع فرخة بالشوربة ... وبعدها ماكل شي..يمكن بس تفاحة على السحور..

ومن يومين قلت يمكن عشان ما اسوي رياضة..فرحت مشيت كل يوم نص ساعة.. وجريت جري بالمكان.. وصرت لما أبوي وامي يطلعون أشغل الموسيقى واقعد أتدرب واتنطط مثل المجنونة.. وافي شي ابد..

كمان انا قاعدة اوزن نفسي كل يوم وهذا صراحة جابلي اكتئاب.. ولازم أنزل قبل الدراسة...

اييه وبعد أشرب كوب قرفة بدون سكر كل يوم..وساعات شاي اخضر.. كنت أحط اثنين باكت واشربه مر..

بعد أقولكم شي بس لا تقولون لامي.. قريت عن الجلوكوفاج اللي ينزل الوزن..ماخذة منه الحين شريط حوالي 15 حبة بعد كل فطور.. خاصة ان أمي عندها السكري و تاخدة ...

الله يخليكم يا بنات الله يوفقكم ابي انحف بهاالشهر اللي ناقص.. قولولي ايش اسوي.. ولو اي أحد يبي يسوي رجيم معاي نشجع بعض ..

سلامي للجميع