اولا حبيبتي ازا تبغي تعملي رجيم لازم تحطي هدف قدامك ليش ابغى اعمل رجيم وعشان ايش؟
اكيــــد عشان تغيري من شكلك وتحسني من نفسيتك وزي ماقلتي بتاكلي بشراهة يعني المشكلة مو
بالرجيم فيكي انتي تعرفي ليش لاانك مو متعودة صدقيني لو طالعتي للاكل الدسم بأنو هوا سبب مشكلة جسمك
وانك الا الان مااستفدتي منو ولاشي بتااكلي وبيجي اليوم التاني وبتاكلي واليوم الي بعدو وبتاكلي دسم راح تلاحظي نفس الاسطوانة بتنعااد
وبالعكس كدا جسمك راح ينظلم وانتي السبب وترا حبيبتي الجسم يخزن اكل وراح يجي يوم راح يطلع كل الطاقة الي في وبتفرطي زيادة
لازم تغيري من نفسك تغيري من اكلك ابدا ماراح يكون رجيم ازا ماكان عندك صبر التزام عزيمة همة وتحقيق هدف صدقيني
كل ماراح تغيري من نظامك وتخلي صحي راح ترتاحي وكل مانزلتي كيلو جرامات راح تتشجعي وتكملي
انتي حاولي على قد ماتقدري تبطلي من الحلويات والمقليات والرز والمعكرونة والمشروبات الغازية والشوكلت والدهوون والزيووت والبيتزا والهمبرجر والوجبات السريعة بصفة عاامة
ماراح اقلك احرمي نفسك من الاشياء دي بالعكس كل حاجة بالتدريج حلو وصدقيني كل ماادرجتي وقللتي كميات واستغنيتي عنها بأكل صحي راح ينزل وزنك حبة حبة وترا الرجيم يبغالو
صبر ووقت ع البال مايستجيب جسمك لاانو الوزن الي اكتسبتي مو في فترة بسيطة بالعكس في سنوات طويلة ولو تبغي تنزلي لازم تستني اقلها شهرين لاانو ماشالله وزنك كتيير عليكي ولازم تغيري من نفسسسك عشان تحبي نفسسك
ادخلي في تحديات مع نفسسك وجاهدي واعملي صدقيني بتلاقي ثمرة تعبك وجهدك وراح تكوني اسعد انساانة وانتي حاولي تبدلي المقليات بمشاوي او سلق والرز مرة او 2 في الاسبوع حق 6 ملاعق بس وانتي عارفة انو الرز ينفش الجسم واعملي رياضة على قد ماتقدري اقلها لازم يوميا تمشي نص ساعة الى ساعة على حسب راحتك اقل من كدا لا طبعا واعملي رياضة لجسمك راح تتعبي كتير بالبداية بس صدقيني لو استمريتي بيسير روتين لجسمك
وانتي راح تتعودي ع الشي دا لاانو كل ماعملتي رياضة جسمك بيحرق دهوون وانتي بتكسبيها واشربي شاهي اخضر صيني بالزنجبيل مرررة كويس وازا كان عندك درج بالبيت حاولي تطلعي وتنزلي لمدة 10 دقايق =ساعة مشي تخيلي بتتعبي وبتعرقي وبتحسي رجولك مارح تشيلك من التعب وعن تجربة بس صدقيني كلو لنفسسك مو لااحد غيرك وبالعكس كل مانحفتي راح تكسبي ثقة نفسسك بزيادة وبتكوني مبسوطة وراضية عن حالك
وبصراحة وبدون زعل زوجك تزوج عليكي عشان وزنك ودا شي اكيد 100% لاان الرجال مايحب الحرمة التخينــ’ـة بيمل منها ومن جسمها وبتصير منافرات بينهم ويوم عن يوم راح تضعف العلاقة بينكم والسبب جسمك والاكل الدسم شايفة قدأيش انظلمتي بسبب اكل الله يعزك نهايتو كلو بالحماام
لازم لازم تغيري من نفسسك والله حاسة فيكي لاان الحرمة التخينة انا عارفة انها ماراح تكون مبسووطة ابدا وبتحسس بفشلة من نفسها وتكون ثقتها بنفسها ضعيفة
وحاولي من بعد اليوم ورايح تخلي اكلك كلو صحي في صحي والله يوفقك ويسعدك ويحقق امالك وهدفك يااارب
ترا ع فكرة لو نحفتي واجتهدتي والله زوجك بيرجعلك وبيجن فيكي بالعكس راح يحبك زيااادة لاان الجسم الرشيق سبب في السعـــــأأدة الزوجية