الموضوع
:
مشوارنا للرشاقة بس بصحة كويسة يالا نبدا سوا
عرض مشاركة واحدة
كتبت : om jomana
-
مشوارنا للرشاقة بس بصحة كويسة يالا نبدا سوا
السلام عليكم و رحمة الله و بركاته
طبعا الموضوع باين من عنوانه و عايزة اخس فقلت نبدا سوا
اكيد رمضان عكينا فى شوية و العيد كعك و بيتيفور
فقلت يالا نبدا كفاية كده
بس عايزين نخس بصحة تمام باذن الله عشان كمان مانرجعش بسرعة اللى تعبنا فيه
انا قبل كده كنت ماشية مع بنات و معرفناش نستمر كتييير
فحسيت ان لازم التزام اكتر ففكرت ان نمشى كلنا على رجيم واحد عشان ميش كل واحد بمزاجها و يحصل لغبطة
فهبدا شروط الموضوع
1-
الاشتراك
بكتابت بياناتك
و يا ريت الجدين فقط عشان نستمر فبجد اللى عايزة تخس و تستمر تكتب بيانتها
2-
الرجيم
3-
الرياضة
4-
شرب الماء
5-
كتابة يومياتك يوميا
اولا- البيانات
هبدا ببياناتى و اكتبيها بنفس الطريقة
الاسم :ام جمانة
السن : 29
الوزن :72
الهدف الاول :66
الهدف الثانى : 62
ثانيا -الرجيم
الفطار
: 4 ملاعق فول بدون زيت او 2 بيضة مسلوقة او 2 ملاعق ك جبنة ملح خفيف + سلطة
+ رغيف سن او 1/2 رغيف بلدى او 2 توست او 2 بقسماطة
+ كوب شاى بحليب او نسكافية اى حاجة سخنة و ممكن بعصير برتقال او تفاح
الغدا
: هنا بقى هنخلى يوم فيه نشويات و يوم لا هتشيلها من اكلك
4 ملاعق ارز او 4 ملاعق مكرونة او عيش سن او 1/2 بلدى او بطاطس مسلوقة " ده يوم هتخدية و اليوم اللى بعده لا يعنى مثلا بداتى الاحد تكلى نوع نشويات الاثنين تكلى الغدا بدون نشويات و هكذا طوال الاسبوع فهمته "
+ فراخ او لحمه او سمك مشوى
+ خضار نى*نى + سلطة
العشاء
: كوب زبادى+ 2 ثمرة فاكهة
او 2 قطعة جبنة ملح خفيف او 2 بيضة مسلوقة + عيش سن او بلدى
ثالثا- الرياضة
فى نوعين اختارى اى نوع و لو عايزه اللى الاثنين يبقى كويس اووووى
1-
المشى
2-
رياضة ايربكس
حسب المنطقة اللى مراد تنحفها و اللى ميش عارفة الرياضة تقولى على المنطقة و انا انولها صور الرياضة المحتاجها
رابعا- شرب الماء
الماية مفيدة جدا و بتساعد على نزول الوزن فميش هنقل عن لتر و نص يوميا حتى 3 لتر كل واحد و شطارته
خامسا-اليوميات
ياريت يوميا اليوميات كل اللى اكلته طوال اليوم تتكتب عشان نعرف نشجع بعض كلنا و نشوف لو فى حاجة غلط فى اكلنا نضبط بعض كلنا
****************************
و ان شاء الله بعد ما نوصل للمثالى فى رجيم هنعمله مع بعض
لتثبيت الوزن
و ده
شعار اسبوعى
للفايزة باكبر انقاص وزن
و اسمها رشيقة الاسبوع و هتضعه فى توقعها طوال الاسبوع
يالا عايزة تشجيع عشان نبدا مع بعض