انا ليا صديقه اسمها نهي كنا في الجامعه سوا وبعدين اتخرجنا والحمد لله<<قصة حياتك دي؟؟
وصاحبتي دي كان وزنها 120 كيلو بالتمام والكمال
وبعدين طبعا عدت الاجازة ولقيتها جات زارتني في البيت بعد حوالي 9 شهور من اخر مرة شفتها
والمفاجأه ان وزنها كان ,,,,,,,,,,
كان 60 كيلو يا بنات تصدقو؟؟
طبعا قلتلها مش هتطلعي من هنا الا لما تعترفي وتقولي كل تنتوفه عملتيها
واذا قعدتي تقوليلي خففت ومش عارفه ايه هتاويكي هنا وقولي على روحك يا رحمان يا رحيم<<ريه وسكينه وتهديد ارض جو
المهم قالتلي واسمعو يا بنات
هيا كانت بتتابع بدقه شديده برنامج لدكتورة اسمها مها رادمييس بييجي عالقناه المصريه
وكل يوم تاكل اللي الدكتورة تقول عليه بالظبط بالظبط
وكانت بتعمل رياضة زي اللي كنا بنعملها في المدرسه ,,طبعا المصريين عارفينها كويس الرياضه الخايبه دي بتاعة الحصص هههههععع
وبالنسبه للي مش مصريين هيا رياضه شبه التسخين
وسالتها جسمك مترهلش ابدا؟قالت ابدا
ورح خطيبها اتصل عليها واحنا قاعدين فقالتلي دا حبيبي اصل فرحنا قرب واتجوزت واتبسطت وكانت زي القمر
وتوته توته خلصت الحدوته