مرحبا ما رح اطول كتير عليكم بس انا فعلا محتاجة رأيكم ..

يمكن في بنات كتير بيعرفوني و بيعرفو ظروفي .. المهم ::

متجوزة بقالي 6 سنوات عندي بنت وحده الحمد لله قمة في الروعة و الادب و الاخلاق و الذكاء
زواجي يتخلله الكثير من النكد و الضرب و الصياح و المسبات و حكايات رايحة و جاي و قرف وخيانة و حب بنت لمدة 3 سنوات و لسه بيجيب بسيرتها كانها من العائلة
و ايضا يتخلله القليل من الحب و السعادة الزوجية والقليل من الإحترام

بعد العناء و الصبر 6 سنوات اجى بيحكيلي بدي اتجوز بدك تفضلي معي واللا بدك تتطلقي !!؟؟؟؟؟؟؟؟ انا بدي اياكي و ما بدي اطلقك انتي انسانة كاملة بس مش مكفياني مش مبسوط معاكي انتي مش ناقصك شي بس انا مش شاعر بالسعادة معاكي !!!!! (بعد 6 سنوات من السعادة و المعاناة!!!!)

صراحة قلت له بدي اطلق و اخذ البنت و اعيش لحالي مع العلم انه اهلي مش معي بنفس البلد يعني ما الي غير خالي و عمي و خالتي.. كل واحد عنده اللي بيكفيه.

بشتغل باخذ راتب منيح بصرف منه شوي على البيت و مجبورة ادفع ايجار البيت و قسط الحضانة الإنتظار بعد المدرسة..
هو ما بيقصر بمصروف البيت بالمره .. كل شي مادي ما بيقصر فيه .. بس كل شي بخص الحياة الأسرية و الزوجية ما بنشوف منه شي ..

بدي رأيكم هل اقبل انه يتجوز وحده ثانية و افضل معاه وواللا اطلق منه علما انه ما بده يعطيني البنت بالمنيح بده اروح على المحكمة و اطلبها هناك .

اذا رح اقبل انه يتجوز وحده ثانية بدي اشرط عليه انه ما ياخذ و لا شي من راتبي و حتى ايجار البيت خليه هو يتكفل في انا و بنتي و بيتي زي ما هو بده يتكفل ببنت ثانية و مصاريفها .. شو رايكم و اصلا هل رح يوافق على هذا الشرط .؟؟؟