زعلتيني يا نجلاء بدعاءك على نفسك بالموت... الدنيا دار بلاء يا قلبي... اصبري و ادعي ربنا يشفيكي من داء السمنة
صلي و قولي " اللهم يا شافي, يا معافي. اشفني من داء السمنة يا رب" ادعي من كل قلبك و ان شاء الله يستجيب
اما بقى بالنسبة للرجيم ليه ما تدخليش معانا في اليوميات و تشوفي رجيم كويس يناسبك... مثلا شوفي موضوع الاخت pinkrose او dodobaby
الحاجة التانية الرجيم ملهوش حل سحري (انا كان نفسي انام و اقوم تاني يوم نحيفة)- يعني الرجيم حياخد وقت بس ممكن تلاحظي نتايج بسيطة في اول اسبوع

اتشجعي يا بطة و صدقيني لو ابتديتي رجيم و عملتي شوية رياضة. و حتى لو وزنك كان بطيئ, حتلاقي انك لسة راضية عن نفسك لانك بتعملي كل اللي تقدري عليه....

يلا يا بنوتة, العزم و الهمة... تعالي ادخل اليوميات و سجلي (تعالي معايا و انا اتابع معاكي كل يوم- انا بعمل رجيم الحمدلله رب العالمين نزلت في اول اسبوع 5 كيلو و كمان الرجيم مش غالي... يعني سهل اتباعه)

انا مشتركة في اليوميات " يوميات بنوكه بالصور لرجيم د: فادي لمدة اسبوعين الله يحي الجميع ^_*

شدي الحيل و الهمة و انا معاكي... ايه رأيك سواء في الرجيم دة او اي رجيم تاني تختاريه....