الموضوع
:
محشى كرنب وكوسه لعيون نهوله
عرض مشاركة واحدة
كتبت : زووووزه
-
محشى كرنب وكوسه لعيون نهوله
السلام عليكم ورحمة الله وبركاته
بناءا على طلب الامبراطوره(
عمل أكله مصريه لانها مفجووووعه
)
علم وجارى التنفيذ ......
محشى كرنب وكوسه
5. ك أرز +5. ك طماطم +2بصله كبيره + كمية ثوم محترمه +كزبره وبقدونس أخضر +بهارات + شوربة فراخ أو لحم
نفرم البصل والثوم ونشوحهم ع النار مع شوية زيت
نخلط الطماطم ونضيفها
نحط الملح والبهارات (
فلفل،كمون،جنزبيل،قرفه،نعناع ناشف
)
نغسل الارز ونضيفه
كده خلصنا الحشوه
نقطع الكرنب مربعات ونقور الكوسه واللى يطلع منها نحطه ف قعر الحله وممكن نحط شرايح بصل أو ورق كرنب
نحشى الكوسه ونلف ورق الكرنب ونرصه فى الحله ونضيف الشوربه المغليه
نسيبها تغلي على نار عليا ولما تنقص الشوربه نوطى النار ع الاخر لمدة نص ساعه
قبل ما يستوى ب5 دقايق نحط نص كوب عصير ليمون
وبالهنا والشفا