الموضوع
:
تعالوا شوفوا فطار يوم العيد هدية لبوووووووووووووووسى
عرض مشاركة واحدة
كتبت : محبة رسول الهدى
-
تعالوا شوفوا فطار يوم العيد هدية لبوووووووووووووووسى
كل عام وأنتم بخير
طبعا كلنا بنفطر فتة وفى مننا بيفطر كبده برده ونظرا لاختلاف الرأى عندى فى البيت فعملت الاثنين :::
كبده ودى صورتها
ودى صورة طبق الفته
وده الفطار التقليدى بتاعنا كلنا بس النهارده هقدم لكم طبقى الجديد من لحمة العيد وهو
صينية اللحم بالمشروم والبيض والجبن الرومى المبشور
الخطوه الاولى
لحم مسلوق -- 2 بيضه --- 3 ملاعق فول صويا بودر -- ذرة لون أحمر -- ملح وفلفل -- ملعقه صغيره بصل بودر -- م .ص . ثوم بودر- م. ص قرفه-- 1/2 كوب شوربه --2 ملعقه ورشيستر صوص
الطريقه ::
نضرب اللحم المسلوق بالكبه ثم نضيف باقى المقادير على بعض .فول الصويا على اللون على الشوربه والبصل البودر والثوم وملح وفلفل وقرفه ونخلط الجميع ونضيفه للحم مع البيض ونخلط الجميع جيدا ونحضر صينيه مدهونه ماده دهنيه ونبطنها بالبقسماط الناعم ونفرد فيها مقدار اللحم وأرش عليه ملعقتين ورشيستر صوص وأتركه ..
والخطوه الثانيه
4 بيضه -- 3ملاعق كبيره مشروم شرائح -- 2 ملعقه دقيق --1/2 كوب لبن --ملح - فلفل ..3 ملاعق جبن رومى مبشور
نضرب البيض ثم نضيف عليه المشروم واللبن والدقيق ونقلب المكونات كويس ثم نضيف عليهم 3 ملاعق كبيره جبن رومى مبشور ونضيف الخليط السابق فوق اللحمه اللى فى الصينيه وندخلها الفرن حتى يحمر الوجه واليكم الصور للتوضيح:::
الخطوه الاولى
هنا اللحم بالكبه
وهنا بعد ما ضربتها
هنا فول الصويا وعليه اللون والشوربه والبصل والثوم البودر
هنا أضفت الخليط على اللحم ثم نقلب جيدا
وهنا ضيفت البيض والملح والفلفل على الخليط السابق
هنا اللحم بعد ما وضعتها بالصينيه ورشيت عليها ملعقتين من ورشيستر صوص
والخطوه الثانيه::
ده البيض والجبنه والمشروم
أضفت المقادير على بعض مع ملعقتين دقيق ونصف كوب لبن وقلبت جيدا
وأضفت الخليط السابق على اللحم
وهنا بعد ما طلعت من الفرن
شايفين شكلها .. طعمها جميل جدا وريحتها رائعه
ودى طريقة صينية الرقاق للى تحب تتعرف على طريقتى
...طريقه سهله خالص...
أول حاجه بنعصج اللحمه المفرومه يعنى نخرط بصلتين ونضعهم على النار مع ملعقة سمن ولما تصفر بنزل باللحمه المفرومه وأقلب شويه لغاية ما تذبل وبعدين أضع ملعقة بصل بودر وثوم بودر وبهارات لحم وفلفل أسود وأقلب شويه وممكن أديها ربع كوب ماء وبعد ما تشربه أضع الملح وكده أتعصجت اللحم..
وبعدين بسخن شوربة اللحم جدا وأبتدى أبلل الرقاق من ناحيه واحده بس وأضع بصينيه بها 2 ملعقة سمن كبيره وأرص 4 وحدات من الرقاق ثم أنزل بالعصاج ثم أكرر العمليه مع أربع ورقات رقاق أخرى وأضعهم وأحضر طبق أو صينيه أصغر وأضغط بها على الرقاق ليكبس جيدا ثم أضع ملعقتين سمن على الوجه وعلى الفرن حتى يتحمر ...
واليكم الصور للتوضيح :::
ده اللحم العصاج انا كنت حضرته وجمدته بالفريزر لحين الاستعمال وطلعته سخنته لصينية الرقاق
دى السمن فى الصينيه معلشى لازم تكون كتير شويه
وهنا وضعت أربع ورقات وعليهم العصاج
وهنا خلصت كمية الرقاق وهضغط عليها جامد بالطبق عشان تتماسك مع بعضها
ده شكل الصينيه بعد ما ضغطتها ووضعت عليها ملعقتين سمن على الوجه
وده شكلها بعد ما طلعت من الفرن ويا رب تعجبكم ..
أتفضلوا
وده الزيتون المخلل صنع أيديا طبعا
والى اللقاء فى موضوعات أخرى ان شاء الله
..دمتم فى رعاية الله وأمنه ..
أحبكم فى الله