ازيكم يا بنات انا متجوزه من سبع سنين والحمدلله بحب جوزي وهو كمان في اول حياتنا كان ظورفنا الماديه صعبه شويه جوزي سافر ربنا موفقهوش في السفريه فانا قولتله يرجع عشان انا محتاجاه جنبي وكمان علشان لازم نتعالج عشان موضوع الانجاب جوزي رجع من السفر والحال كل مادا بيسوء اكتر لحد ما عمي اللي مسافر رجع مصر واشترى بيت ولظروف شغله كان لازم يرجع تاني فخلى جوزي يمسكله كل حاجه وكتبله توكيل عشان يتصرف في كل حاجه وقاله شوف المرتب اللي انت عاوزه وخده(عمي يبقى خال جوزي في نفس الوقت) وجوزي الحمد لله كان في محل الثقه دي وحافظ على الامانه اللي ف ايده لكن المشكله ان الفلوس كترت ف ايده فشارك واحده ف مشوع من غير مانا اعرف ولحد دلوقتي مخدتش منها ولا مليم وكل شويه تقوله عليا ديون وعليل اقساط وكل اما اكلمه يقولي متدخليش ف يشغلي فتح محل للمنظفات قولتله لزم تدرس الموضوع يرد ويقولي ملكيش دعوه ودلوقتي بيقول ان المحل مش شغال انا حصفيه وراح شارك اخوه فيمحل بقاله المشكله بقى ان اخوه ده المعروف عنه انه فاااااااااشل بمعنى الكلمه ومراتوا سابته عشان مش قادر يصرف عليها انا خايفه لحسن المشروع ده كمان يفشل ومنلقيش مصدر رزق وخصوصا بعد ماربنا كرمنا بالخلفه فزادت المسؤليه علينا وهو لما كانت ظوروفه وحشه كان عليه دين ولحد دلوقتي مش سدده وكل اما اتكلم يقولي انت نكديه ليه الازواج لما بنواجهم بالحقيقه يحاولوا يقلبوا الدفه علينا ويقولوا علينا نكديين بالله عليكم ترودوا وتقولولي اعمل ايه