موضوع جميل جدا وكنت حابة احكى انا كمان سبب الدايت بتاعى
من قبل 5 سنين كنت فى الثانوية وكانوا مسمينى بطوطة عشان كنت مليانة ومكنتش بهتم بكلمتهم دى بالعكس تخيلتها دلع ليا
بس من اول مادخلت الكلية ولاقيت البنات كلها بتلبس اشكال والوان من الهدوم وكنت بشوف بنات فى سنى وفى الجروب بتاعى واثقين فى نفسهم ويجروا ويتنططوا
كنت بحاول ادارى تخنى ده فى الضحك والهذار وجاذبية شخصيتى
بس من جوايا كنت ببقى مضايقة اوى وكانوا لما يقولوا نطلع رحلة كنت برفض وبتحجج بالدراسة عشان مكنتش هستمتع بيها زيهم
ومن ساعتها وانا قررت اعمل الريجيم عشان اكون واثقة فى نفسى زيهم والبس اللى نفسى فيه
كنت فى اول الدايت 107 ونزلت لحد 85
وناوية اوصل ل 75 ان شاء الله قبل مااشتغل
ادعولى يابنوتات