شوفي يا أختي إنتي بعدك متحسسة لأنها ما خبرتك عن الوظيفة.الصراحة معك حق تزعلي بس أحسني الظن فيها يمكن هية قصدها و تعاونو على قضاء حوائجكم بالكتمان,يعني مشان العين أو هيك شي,مويعني إنتي بتصيبي بالعين بس بشكل عام,أنا مرة أخي طولت سنة و شوي لحبلت و ماعرفت إلا وهيه بالرابع مع إنو نحنا كتير أصدقاء وكل يوم بنحكي مع بعض وإذا بدها شي من أخي أنا بتوسطلها لأ وكنت أصلي قيام ليل لحتى أدعيلها,بس عادي عندي و ابنها هلأ أغلى واحد بأولاد أخوتي علي.شوفي إذا بدك ترجعي أصدقاء معها(إدفع بالتي هي أحسن فإذا الذي بينك و بينه عداوة كأنه ولي حميم)و إذا خلص بدك تتركيها(يغن الله كلا" من سعته)بس لو أنا,ما بتركها ولابعاتبها ولا بزعل ولا عبالي.الحياة طويلة وما أظن هاي رح تكون آخر صدمة.
طولي بالك ووسعي صدرك وهونيها,ولاتنسي كل الذكريات الحلوة مشان فصل واحد بايخ.
(ربنا ولا تحملنا ما لا طاقة لنا به و أعف عنا و إغفر لنا و أرحمنا).