الموضوع
:
تعالى شوفى القلقاس بالخضرة على طريقتى الخاصه
عرض مشاركة واحدة
كتبت : امراة مسلمه
-
تعالى شوفى القلقاس بالخضرة على طريقتى الخاصه
قبل اى شئ
[glow=FFFF33]
تابع لحمله سماء الابداع
[/glow]
ناس كتير اوى مش بيحبوا القلقاس مع انه وجبه لذيذه ورائعه ده غير القيمه الغذائيه له
فمن فوائده
يمد الجسم بالفيتامينات، مثل: فيتامين ا،ج والفولات،
كما يمده بالمعادن، مثل: الحديد، والماغنسيوم،
وهي مجموعة قليلة في دهونها ومصدر هام للألياف.
وهو ايضا من من الخضروات التي تغدي و تعالج الصدر من السعال ,
و تزيد القوة الجنسية, وهو يحتوي على الفوسفور و الكالسيوم
و يفيد الكلى و يفيد القروح و يشفيها باذن الله.
ندخل بئا فى موضعنا وهو القلقاس بالخضرة ((واللحم المفرومه))
وده هو المختلف فى الموضوع
انا شخصيا بفضل اللحم المفروم فى الطبيخ عن اللحم الاوصال وحقيقى بيكون الذ كتييييييير
تعالو شوفو
المقادير
قلقاس مقطع مربعات
لحم مفروم
كزبرة _ شبت
ثوم ((كتيييير))
كزبرة ناشفه وفلفل اسود وملح
ليمونه ((مهمه جداا))
شوربه لحم او دجاج حسب الرغبه
الطريقه
طبعا انتى مقطعه القلقاس وعلشان مش يلزج فى يداكى وانتى بتقطعيه اغسليه الاول وهو بقشره ونشفيه بفوطه ونشفى ايديكى تماما
كده هيكون اسهل فى التقطيع
بعد كده اغسليه بميه بارده وخل لمرة واحده بس
وبعد كده تجيبى الشوربه وتخليها على النار تغلى وبعدين تضيفى عصير الليمونه وده ضرورى ولازم لانها هى اللى بتقضى على لزوجه القلقاس
كمان بتخلى لون الشوربه فاتح
وبعد كده يا ورده منك ليها
تضيفى القلقاس على الشوربه وهى بتغلى
وتقلبيه
وتتركيه يسلق فى الشوربه
فى الوقت ده بتجيبى معلقه زبده ومعلقه ثوم مفروم وتحطيهم على النار وبعدين تحطى عليهم اللحم المفروم وتقلبى
لحد ما تستوى اللحمه وبعدين تضيفى الملح والفلفل والكزبرة الناشفه
وترفعيها من على النار
لما القلقاس يستوى تضيفى اللحمه المعصجه مع الثوم
وتقلبى وتتركيه يغلى مع بعضه
وبعدين تفرمى الكزبرة الخضراء والشبت وتحطى معلقه زبده او زيت زى مانتى عاوزة وتحطى الثوم دقيقتين فيها وبعدين تضيفى عليه الكزبرة والشبت وتقلبى لحد ما لونهم يبقى اخضر غامق والثوم يحمر
وتروحى ضايفه الخلطه دى على وش القلقاس وتقلبيه وتظبطى بئا المذاق والملح على حسب الرغبه بس خلى بالك انه بيرسب الملح يعنى لما تطبخيه ناقص ملح بعد شويه هتلاقيه ملحه مظبوط
وبالف صحه وعافيه وده شكله النهائى الرهيييييييييييييييييييييييييييييييييب
ملحوظه
فى الاصل الطبخه دى بيكون فيها سلق وبتكون باللحم المكعبات بس انا شخصيا نزلت عليها تعديلات كعادتى يعنى
وده خلاها الذ واطعم ان كنتى حابه تضيفى السلق يبقى ضيفيه مع الكزبرة والشبت فى التقليه
وان كنتى حابه تطبقيه باللحم المكعبات يبقى شوحيها مع توم ونزليها تانى فى الشوربه هتطلع معاكى نتيجه هايله
وبالهنا والشفا
وختاما