أسأل الله الكريم رب العرش العظيم ان يفرح قلبك ويحقق لك مطلبك
أولا وقبل كل والله أنو من تجربه الدعاااااااء وتوكيل أمرك لربك
هو اللي قدر لك السمنه أرضي بقضاء الله وأعلمي أنو لحكمه لكن عقولنا محدوووده جدا ماراح تعرف هالحكمه
أدعي ربي واطلبيه يعطيك النحافه والجسم المشدود بصحه وعافيه
ثانيا غيري نفسيتك لا تحطمينها بطول المده اللي راح تنحفين فيها كل مازارك هالهاجس تذكري
أنو لك سنيييين وأنتي تااكلين بدون أنتباه وحرص يعني الشي الحلوه يبغاله تعب
والله ماراح تذوقين حلاوة الشي الا اذا تعبتي فيه وراح أضرب لك مثال
بيتك لو تغير ديكوراته وبوياته وألوانه وأستايلات الغرف فيه ودواليب المطبخ وصار بيتك خرااافي من جماله
شوفي نفسك هل بيعجبك وأنتي تسمعين المدح والوآآآآآو من الناس والاعجاب ببيتك
وأنتي ماغيرتي فيه خيط واحد يعني أحد جاء وغيره لك وانتي دخلتيه والكل يمدحه راح تحسين
أنو مالك دااعي أبدا لكن لو تعبتي وأشتغلتي عليه وراح منك أوقاات وملذات تتمنينها وأنتي تشتغلين بهالبيت
كيف تكون نفسيتك وأنتي تسمعين هالمدح كله ....اكيد بتفرحين وأطيرين كمان من السعاده
عشان كذا أفرحي وأنتي تسوين هالدايت حبي هالدايت عشان نفسك عشان تلاقين النتيجه اللي تسعين لها
هوني كل شي عليك عشان تمشي حيااتك وأنتي فرحانه أسمعي هالحكمه وأحفظيها وطبقيها
""يجب أن تحب الشي اللي تفعله عشان تحصل على اللي تحبه"" فكري فيها صح...
نفسيتك خليها في العلالي لا تخلين أي كلمه تأثر فيك ولا تخلين الافكار الهدامه تأثر عليك
ثقفي نفسك بالرجيم ترى والله من تجربه كمان كل ماسمعت برجيم جيتك أركض وأصلحه بدون ادنى
فكره لتوابع الرجيم وأيش الشي اللي اصلحه وأيش اللي أبتعد عنه
لازم نتثقف ونعرف من تجارب البنات الزين والشين عندك مثلا أشياء نشربها لتنظيف المعده
وأشياء نشربها قبل الوجبه أو بعدها وأشياء تنظف الكبد من اللي فيها عشان تقدر تقوم بعملها
في تنظيف باقي الجسم
وكمان عندك أنو المويه مفعولها مفعول السحر تنحت الجسم نحت وتنقي الدم والجسم من الدهون اللي فيه
وكمان فيه أنظمه رجيم تقدرين تمشين عليها بدون ماتكلفين على نفسك دامك راعية سفر
وشاله هم ادوات الدايت وانتي تسافرين
بعطيك خيارات وأنتي امشي على اللي أرتحتي عليه
عندك رجيم يوم لك ويوم عليك....رجيم التمر واللبن وعن نفسي لي عليه اسبوعين راح مني 4 كيلو
وكمان نظام ""فطور ملوك وغدا وزراء وعشا فقراء" شوفي اللي يعجبك وأمشي عليه
وروحي هنا على قسم ""أنظمة الرجيم" وكمان "تجارب الرجيم الناجحه"" شوفي الانظمه وتثقفي فيها
أبتعدي عن اللي يحطمونك حتى لو بنظره وأستعيني على قضاء حاجتك بالسر والكتمان
فرحي نفسك بأي خطوه تمشين عليها وتنقصين لا تصعبين الموضوع على نفسك
الدنيا ماشيه حبه حبه وأحنا نمشي كمان حبه حبه أذا ربي خلق السماوات في 6 أيام أحنا نبغى ننحف في يوم
واحد ....
لا تنسي ياقلبي اللي قلت لك عليه لو تبغين أي أستفسار مني تحت امرك آآمري وتدللي
لا تنسي الرياضه ولا تستهينين بأي مجهود تصلحينه مهما كاان
الله يسعدك ويفرحك وينولك مراادك
جوودي