بسم الله الرحمن الرحيم
السلام عليكم ورحمه الله وبركاته

اولا:اشكر هذا ال على كل مايقدمه

ثانيا:اتمنى مساعدتي ولو بكلمات

انا عمري 21 ..
بدايه مشكلتي ومعاناتي من السمنه من سن 12 سنه

كنت طفله ومافي احد اهتم فيني ووعاني على هذا الشي
الى ان وصلت وزن 104 وطولي 168
قبل سنه بالضبط قررت اني اسوي رجيم ورحت لدكتور ونحفت ووصلت الى 94
تغيرت وكنت مبسوطه بس لازالت السمنه موجوده

تركت الرجيم وزاد وزني الى 97 حاليا

تعبت نفسيا قبل لا يكون جسديا

دائما احس ان الناس تنظرني بنظره مو حلوه

امي تستحي تاخذني معها الى مكان تجمعات

والكل يقولي انتي وجهك مثل القمر ولكن !!!

انا ما انكر ان خلال السنه سويت انواع واشكال الرجيمات ولكن من دون جدوى اسوي اسبوعين ويثبت وزني وارجع لنظامي العادي

تعبت والله..وصرت مابي اشوف نفسي بالمرايه

صرت احس بنظره الشفقه من اهلي وصديقاتي والمجتمع كله لدرجه اخوي يقولي انتي مين بيشوفك وماراح تعجبين احد

انا اعرف ان هالشي مو مشكلتي انا لحالي واعرف ان مشكله كثير من البنات الي ماعاشو سنهم

انا اعرف اسوي رجيم ولكن المشكله بالاراده.. يعني الموضوع نفسي اكثر من انه سمنه

ريحوني الله يريحكم دنيا واخره

اختكم ساره محمد