سلاموا عليكوا
مبروك حبيبتي ويتربي في عز ابوه وحبك
طالما انتي مش مرضع يبقي الامر سهل
اختاري الريجيم الي يناسبك من مجموعو الريجيمات
الموجوده هنا في ال وهيه كتير خالص ولكن
الافضل لكي علشان انتي لسه خارجه من الولاده
وجسمك لسه ماعوضش ما فقده اثناء الحمل انك
تخففي اكلك فقط وتاكلي من كل شئ ولا تحرمي نفسك
من اي شئ ولكن بكميات صغيره يعني الفطار ربع رغيف + بيضة
مسلوقه او قطعة جبنه قليل الدسم او اربع ملاعق فول بليمون + كوب حليب
وبين الفطار والغدا كلي تفاحه اوبرتقاله
والغداء ربع فرخه مسلوقه او مشويه + خضار ني في ني + سلطة+3 ملاعق رز
وبين الغدا والعشاء برده تفاحه او برتقاله والعشاء زبادي قليل الدسم
او فاكهه او كوب لبن او حليب قليل الدسم والمهم ما في الموضوع الرياضه
لازم تلعبي رياضه ساعه يوم اه ويوم لا يعني ثلاث مرات في الاسبوع بحد ادني
وده كفيل انه ينزل وزنك من غير ما تضري جسمك وكمان تعوضي الكالسيوم الي
فقدتيه في الحمل وباقي الاشياء المهمه الي بنفقدها في الحكاية دي
وربنا يوفقك ويكون كلامي ده له فايده عندك