مجتمع رجيم - عرض مشاركة واحدة

كتبت : anabil

لا شك بأن الناس طيب وخايـــــب = وأكبر دليل التجربة خيـــــــــر برهان
أقوالهم ما بين مخطي وصايــــب = أحد يقول الحق وأحد عميـــــــــــان
وأفعالهم ما بين روح ونصايــــب = هذا حكيـــــــــم وذاك طفقة وعجلان
ومن خالط العالم يشوف العجايــب= ويعيش ما يدري وش يصيــــــر حيران
لكن لا تمشي على كل شايــــــب = ولا يغرك ما نطق بيــــــــــن الأسنان
لا تصحبه وتقول حنا حبايــــــــب = قبل المواقف قبل ضيـــــقات الأزمان
إن جاك من جحده سواة الهبايـب = ولا حصل تطنيـــــش وإن شفت نكران
خله يولي وإن رجع قال تايــــب = ما فيه معروف تسويـــــــــــه يا فلان
دور صديق لا أظلم الليل نايــــــب = يمشي معك يا طا على بيض الأكفان
واليا تكلم بالعلوم الأطايــــــــــب = ترتاح له ترجــــــــح على كل ميزان
جرب كلامي لا تكن منه هايــــــب = ما هاب منه ألا سفيــــــــــه وحقران