بسم الله الرحمن الرحيم
السلام عليكم اخواتي العزيزات وكل عام وانتم بخير اعاده الله علينا وعليكم باليمن والبركه
عندي مشكله اتمنى تساعدوني بيها اني تركت نمص الحواجب من سنتين تقريبا والحمد لله اسال الله الثبات والمشكله انه من ذاك الوقت لحد الان ماكملت حواجبي يعني بيها فراغات هوايه بالاضافه الى انه حواجبي عريضه وطويله وانا دائما اتعرض للسخريه والستهزاء ويقولولي شكلك ضايع وحواجبك مضيعه عيونك ومن هذا الكلام انا والله مايهمني لان رضا ربي عندي اهم ومن بعده زوجي صحيح زوجي مايعترض من فهمته انه حرام ولازم اترك النمص اقتنع بس مرات احسه متضايق من شكلهم ارجوكم ساعدوني بطريقه ارتب بيها حواجبي تكون سهله وبسيطه وبدون نمص ولاتشقير لان احنه بلدنا ماكو تشقير للحواجب وحتى بصالونات الحلاقه مايعرفوه بالاضافه الى انه مايعرفون النمص حرام واني اكثر من مره تكلمت بهالموضوع ومصرين ان النمص حلال والعياذ بالله والله حتى ماروح لصالون ارتب شعري لان اول متشوفني العامله تقولي خلي انظف حواجبك واذا امكن دلو
ني على طريقه مكياج للعين اللي حواجبها عريضه بدون مااحس نفسي صرت مهرج لان حتى وضع المكياج بالبيت تركته احس نفسي كلش موحلوه اصير ارجوكم ساعدوني واسفه عالاطاله وشكرا جزيلا