مجتمع رجيم - عرض مشاركة واحدة - نقصت 30 كيلو في شهرين

كتبت : نجلاء بنت النيل

اولا ازيكم وحشتوني جدا

النهاردة جايلكم وانا مبسوطة قوي بجد انا تقريبا غبت من هنا حاجة بتاعت 3 شهور
بس كنت في معركة مع الرجيم هههههه و النهاردة الحمدلله وصلت ولسة مستمرة في نتائج حلوة
مش هطول عليكم انا وزني كان 160 اه والله ودلوقتي وفي 3 شهور بقيت 129 ولسة مستمرة في النزول ان شاء الله
مشيت بـ نظام هو مش صعب والله بس بيخليكي كسلانة شوية ودة انا حاربتو بـ اني كنت بتمشى 30 دقيقة يوميا
انا معملتش اي رياضة غير المشي فقــــــط
ثانيا دة كان نظامي في الاكل
الفطار نسكافية بـ سكر خالي السعرات الحرارية ومعاه زبادي علبة صغيرة

االغدا سمك او دجاج او لحمة مشوية او علبة تونة مع سلطة

العشاء طبق سلطة او زبادي او كباية حليب خالي الدسم مع خبز ردة قطعة واحدة وعليها جبنة قريش
ولازم العشاء يكون قبل النوم بـ ساعتين ع الاقل

وبين الوجبات لو حسيتي بـ جوع كلي فواكه وانا بنصحك بـ البرتقال او البطيخ بيملو البطن ومش بتحسي بـ جوع

وكمان عشان مكرهش الرجيم خصوصا انا بمل بسرعة كنت كل اسبوع لما القى نفسي خاسة بكافئ نفسي بحاجة مثلا شوكلاتة او كوب كيك قطعة واحدة لاني بموت فيه بس كدة وبعمل اي حركة خفيفة فـ البيت عشان احرقهم

و ان شاء الله هكتبلكم كل اللي بـ وصل ليه بس اهم حاجة يا بنات المشي والله سحري بس يكون مشي بسرعة

وادعولي بقى اكمل وابقى مزه كدة زي بتوع التلفزيون