وعليكم السلام ياغالية
انا رح احكيلك الي صاير معي
بس قبل كل شي نصيحة اعملي تحالي للبول
هلا الي صاير معي اني هالفترة تعبت كتير وصابني دوخة ومابعرف جسمي كله صرت احسه مهدود واني ما اقدر حتى العب رياضة
المهم عملت تحاليل وعرفت اني اهملت بحالي كتير وطلع معي اسيتون بالبول
واليوم رجعت عدت التحليل ونفس الشي
هلا وجود الاسيتون يعني انه مافي انتظام بمستوى السكر بالدم والجسم كان ياخد الطاقة من الجلوكوز وبما اني ما باكل سكر ابدا ابدا فصار جسمي ياخد من الدهون وبالتالي تكونت الاجسام الكيتونية او الاسيتون وهاد اذا استمر بسبب غيبوبة سكر واحتمال دخول مشفى وحالة خطرة كمان
انا بكرة رح ارجع على الدكتور لاخد التحاليل واشوف شو رح يقلي
انا مقهورة كتير ومخنوقة من هالشي لاني وقت قررت ساوي ريجيم والحمدلله ماشية منيح يطلعلي شي تاني غير الالتهابات الي هي الفترة قاتلتني
مبارح سحبت تلات عبوات دم وتحاليل بول وزراعة كمان
وهاد الي طلع معي
اليوم ماقدرت العب رياضة لانه نفسيتي متل العما وما قادرة لاني قضيته برة على التحاليل
وبكرة موعدي والله يستر
وربي يعينا
فنصيحتي يا غالية
لا تتهاوني بهالشي ولا تطنشي
واعملي تحليل لتتطمني وتعرفي شو سبب هالاعراض الي بتجيكي
حتى ماتكوني بشي بسيط وتصيري بشي اكبر
والف سلامة عليكي ان شالله