مجتمع لايرحم
تعليقات من مجتمع لا يرحم ولا يراعي من هم حوله ذنبهم الوحيد انهم يصنفوا من البدناء
1 كان عندي مناسبه زواج احد الاقارب رحت السوق دخلت محل فساتين اول مادخلت قالي صاحب
المحل تعالي هنا قسم المقاسات الكبيره صراحه مادري في هالوقت حسيت بصدمه وغليان لدرجه كان
نفسي اصرخ بأعلى صوتي واقوله خلاص يكفي تجريح
واخترت فستان وجالسه اشاور نفسي احترت بين مقاسين هو نفس الفستان ابغى اقيسه قال لا لا خذي
الثاني الي هو اكبر بمقاسين
يعني في نفسه يقول ترى الاول ماراح يجي قدك قهرني وقلت يعني هو يعرف مقاسي اكثر مني
ورجعت البيت وانا اجر اذيال الخيبه
وراي وقلت هذا ماجنته يدي خرجت من المحل بكل فخر بأكبر مقاس فستان
موقف خالي شافني وطالع فيني سوى حركه بيدينه انه خلاص وش هذا يعني
ان شاء الله وين ناويه توصلي خلاص يكفي انتهيتي بتنفجرين يكفي اعملي ريجيم
مره كنت رايحه السوق مشي وجيت اقطع الشارع الا وواحد راكب السياره وماشي يفحط بسرعه
خرج راسه من السياره
وسط الناس وقال بأعلى صوته يااااااااااااااااااااااااااااا ااادووووووووووووووووووبه
عيشوا الموقف وشوفوا كيف كان وضعي ساعتها حمدت الله اني متغطيه لأني
كنت ميته قهر وخجل شعور ممزوج باهانه
كيف يقدر يناديني بأعلى صوته وفي مكان عام الله يسامحه
ووووو المواقف كثير والاحراجات اكثر حتى الي مايتكلم بوجهك يبين وش يبي يقول
من نظره عيونه وتعابير وجهه لين متى هالنظره للسمين انه مهمش وماله هدف في الحياه لين متى
الناس تقاس بأشكالها واجسامها لين
متى مجتمعنا بيظل ظالم هذا الجسم السمين وراه قلب ينبض واحاسيس ومشاعر
يحس ويتألم ويتعب
كبروا عقولكم الضيقه السمين شخص من لحم ودم ليه تنظرون له بدونيه وكأنه شي مهمش في الحياه
وحده كانت تقول اصلا السمينه لو فيها خير ماتركت نفسها توصل لهالمرحله ولا لهالدرجه وعادي
تطلع وتنزل
انا لو زدت كم كيلو اتجنن الله يرحم حالكم بكل بجاحه وبكل قوه عين ووقاحه تقول هالكلام وماعرفت
ان لاتشمت في اخيك المسلم يرفع عنه ويبتليك
ماتدري هالسمينه وش ظروفها ليه سمنت هرمونات ولا علاج ولا غده درقيه ولا جسمها مايحرق
ماتدرين وش ظروفها
ولو قارنوا اكلها بأكلك يا النحيفه يمكن انتي تاكلين اضعاف اكلها بس هذي طبيعه اجسام ومعدل الايض
عندها يختلف عندك
خلاص الفتره الاخيره قبل ما انحف صار عندي تبلد الي يقول يقول والي يتريق والي يعلق وصلت
مرحله من الاه مبالاه والادمان على التجريح
وصلت لمرحله انا احب نفسي وراح انحف عشان نفسي وصحتي مو عشان فلان او فلانه
انحف عشان اعجب نفسي مو المجتمع
انحف عشان البس واكشخ واتمتع بشبابي
اعجبتني مقوله المستحيل ليس الشيئ المستعصي فعله بل له حل ولكن الى الان لم يوجد
حذفت من قاموسي كلمه مستحيل
كفايه البنت السمينه تظل نسبه زواجها او خطبتها ضئيله جدا وماحد اساسا يلتفت لها او يطالع لها
كل ام تبي تخطب لولدها تدور الشي الأساسي الشكل والجسم انا ماعمري انخطبت مثل البنات وفرحت
هالفرحه ببساطه لأني سمينه
لا اخفيكم سرا اخر الحلول كنت افكر في عمليات السمنه تحوير او تكميم كنت اقرأ قصص المتحورين
والمتكممين كانوا ينقصوا ماشاء الله عشرات الكيلوات في شهور بسيطه بس حاولت مع الاهل وجاء
الرفض سيد الموقف خصوصا
ان اهلي يتخوفوا كثير من العمليات ويسمعوا عن حالات الوفيات في عمليات مشابهه
يعني فقدت الامل انهم يوافقوا
وقلت امري لله مالي الا الحميه
وعسى في الأمر خيره
والخيره فيما اختاره الله
رحلتي الدايتيه كانت جميله ممتعه متعبه روتينيه فيها من كل بحر قطره عانيت وتعبت الى ماوصلت
عليه الان
ثقي بالله وانطلقي اطلقي العنان لقدراتك وارداتك وعزيمتك الاراده مالها حدود الى مالا نهايه
ودام عندنا صحه وخير ولله الحمد مانشتكي من اي امراض راح نوصل لكل شي والتفاؤل اهم سبب من
اسباب النجاح ثقي ان القادم اجمل
والريجيم يبغى له صبر وطوله بال واراده شي كدستيه في سنين مو بيوم وليله يروح انا استغرب اقرأ
مواضيع في المنتدى سويت ريجيم ونقصت كيلو اووووف قهر ليه ؟؟ وكثير من التساؤلات وانا وحده
منكم انقهر زمان اذا نزلت كيلو
اللحين اقتنعت بأن الكيلو شي طيب مشكلتنا نظرتنا ماهي طويله المدى يعني كيلو فوق كيلو فوق كيلو
في الشهر=4
شهرين=8
ثلاث شهور =12
شي ممتاز شفتوا كيف هذا الكيلو الي مو عاجبنا وش سوى الريجيم زي النبته او الزهره اهتمي فيها
وارعيها واسقيها بتعطيك
افضل ثمار كل ما اخلصتي بريجيمك والتزمتي وكنت صادقه صدقيني كله راح يظهر على الميزان
… مشوار الألف ميل يبدء بخطوه
في القسم الجديد راح احكي لكم عن رحلتي الريجيميه التي استغرقت عام كامل
ماذا واجهتني من متاعب ومراحل مرت علي
كيف نظامي واكلي ؟
كل رياضتي ؟
رحلتي الدايتيه
الثلاث شهور الأولى كنت مثل ماقلت لكم امشي 30 دقيقه فقط عالجهاز ويادوب اكملها من ثقل وزني
احس نفسي ينقطع وملتزمه بحميتي الي من تصميمي يارب لك الحمد ومرتاحه عليها
نظام اكلي كنت اخذ في الغدا 7 ملاعق رز او ربع خبز مع بروتين او خضار
او بيضه مقليه وصامولي نخاله او سلطه تونه او حمص وخبز خيارااات جدا كثيره في الاكل
وفطوري توست وجبنه وشاي او عصير برتقال او كورن فلكس وحليب منزوع الدسم
او 3 قطع بسكوت وشاي
او 3 تمرات ولبن قليل الدسم او 3 ملاعق فول وربع خبزه
وايام ادلع نفسي اخذ 2 توست وجبنه شدر كرفت ملعقه كبيره مبشوره مع ملعقه مربى واحمصها امممم
لذيذه
العشاء احيان زبادي واحيان لو جوعانه خبز وجبنه
خيارات كثيره بس كلها بنوعيه صحيه وكميه معينه
بين الوجبات حبه فاكهه خيار زي كذا
العب في السعرات احسب السعرات تقريبيه يوم 1000 يوم 1400 يوم 1200 يوم 800
يوم اخربها واخذ 1500
ما اخلي جسمي يمشي على وتيره وحده اغير في وجبات الفطور والغدا ما اثبت على اكل واحد انوع
التنويع مطلوب عشان الوزن يضل في نزول مستمر
مايتكيف على سعرات معينه او وجبات معينه ويبطل ينزل
وكل 10 ايام يوم مفتوح كنت اشرب مويه كثير تقريبا لتر ونصف الى لترين
ايام التزم بالثلاث وجبات
فقط
وايام اخذ سناك وجبه ولا اثنين خفيفه مع ثلاث وجبات رئيسيه ما اخلي جسمي على نفس نمط
الدايت
واستخدمت حبوب عباره عن الياف وصفتها هنا بنت الله يسعدها تساعد مره على القضاء من
الأمساك اسمها كولون كير مررره حلو تلقونها جي ان سي تاخذي حبه بعدا الغداء مباشره وعلى طول
الله يكرمكم على الحمام تسهل حركه الأمعاء وهي الياف ومكمل غذائي مامنها خطوره ابد
انتهت رحله الثلاث شهور الأولى ويارب لك الحمد اصبح وزني عباره عن رقمين بعد معاناه مع
الثلاثه ارقام لمده سنتين
ابتديت خطه الثلاثه شهور الثانيه زودت المشي بما اني صار عندي البعض من اللياقه
قللت شوي في اكلي شوي بس يعني الرز كنت اخذ 7 ملاعق خليتها 5
2 توست خليته 1 زي كذا بس ماوصلت نفسي لمرحله التجويع
وبكذا اكون خلصت 6 شهور تغير شكلي كثير وحسيت بفرق واضح وكل الي حولي حسوا بالفرق
وجت رحله ال 6 شهور جديده وانا على نظامي نفسه من دون حرمان وبكميات نوعا ما صغيره
زودت المشي ايضا صرت امشي مايقارب ساعتين مشي سواء على السير او خارج المنزل
مرت سنه
12 شهر بحلوها وبمرها
ماشيه على نفس النظام ا وماشاء الله تبارك الله صار عندي لياقه بس طبعا عارفين اخر شهور الدايت
يصير الوزن ينزل بالقطاره وببطئ شديد
وانتهت السنه على خير على قوله المثل ختامها مسك
وبشكل جديد ونفسيه جديده