مجتمع رجيم - عرض مشاركة واحدة - قصة وصول للوزن المثالى

كتبت : الصراحة

الميزان يوم

الميزان وما ادراك مالميزان ومؤشراته وارقامه المخيفه

احيان يضحكني واحيان يفرحني واحيان يبكيني واحيان يقهرني لدرجه ودي

اكسره نصفين كان يوم الميزان بمثابه عيد عندي افرح بهاليوم احس بنشوه قبلها بيوم تصدقوا مايجيني

نوم ان بكره يوم الوزن كأن فيه بكره اختبار ومتشوقه اعرف النتيجه كان شي مهم عندي استعد له

وادعي الله ان يعطيني نتايج تفرحني على قد مجهودي وتعبي

1. على كل نزول احمد الله واشكره

2. ( لَئِنْ شَكَرْتُمْ لَأَزِيدَنَّكُمْ صدق الله العظيم

قبل الميزان بيوم اكون اخذه ملين اكرمكم الله عشان يعطيني وزني القراءه الصح بدون عوامل تأثير من

امساك او غيره اخذ وزني

الصباح عالريق بملابس خفيفه كنت انتظر هاليوم بلهفه وشغف اشوف وش حققت واروح ادون الوزن

في جدولي واشوف مقدار التقدم

ماتصدقوا هالنتيجه كانت تعطيني دافع للأستمرار وتعطيني طاقه اني العشره الايام الجايه احقق نتيجه

احسن انا كنت اتوقع اقل من المتوقع هذا الشي جدا يفيد لأن مايصيبني بأحباط واحيان الوزن يثبت ايام

وايام وايام صح اتضايق بس مجرد ما اجيب المتر واشوف مقاساتي نازله احس بنشوه والفرحه

تغمرني احس القياسات تطفئ غضبي لأن القياس عمره مايكذب والوزن يمر بمرحله ثبات لو صبرنا

على هالمرحله يرجع ينزل

اتذكر كلام دكتور تغذيه كنت اراجع عنده زمان لمن وزني ماينزل كنت ازعل كان يتعامل بالوزن

والمقاسات وتكون مقاساتي نازله واسأله واستفسر يعصب هههههههه يقول هو ايه موش هدومك

وسعت ومئاساتك نازله عاوزه ايه تاني اهم شي الشكل مش كل الي حيشوفك حيقولك يلا عالميزان

حيشوفوا شكلك مش حيكون مكتوب على جبينك وزنك اد ايه ههههههههههههه دخلت جو مع اللهجه

المصريه احبها
وهو

صادق فعلا اهم شي الشكل والوزن مسيره يجي له وقت راح ينزل

احيان شهر كامل الوزن ثابت مايتحرك ولا جرام واحيان زياده نصف كيلو الوزن يتأثر بأشياء كثيره

وعوامل مثل الدوره والامساك وووو ونظامي مثل ماهو بس بالعكس اكمل ولا احبط نفسي وعارفه ان

مانزل هالمره المره الجايه او الي بعدها او ان شاء الله بعد شهر اهم شي ينزل انا متفرغه لجسمي

ووزني ووراه وراه هالوزن ماعندي شي ثاني الا حميتي ونظامي ومهما ثبت تأكدوا يابنات انه

مصيره راح ينزل

الميزان الشي الوحيد الي مايكذب ولا يجمل لك الحقيقه ولا يجامل لمن تخبصي تظهر نتايج تخبيصك

عليه وكل ما التزمتي

تلقين احلى نتيجه وما انكر ان احيان يخذلني ويمر بمرحله ثبات عجيبه كنت اتحداه واقول راح انزل

المره الجايه يا انت يا انا

برغم هذا عمري ماكرهت ميزاني

الجزء ماقبل الأخير وهو اليوم الفري او المفتوح وش كنت اسوي فيه وش اكل وش ما اكل

كله راح تعرفوه في هالجزء

اليوم المفتوح free day

اليوم المفتوح وما ادراكم ماليوم المفتوح كنت انتظره بلهفه كل ما اجوع ايام الدايت اتذكر يومي العزيز

كنت احتار وش راح اكل فيه هو

كان يوم مفتوح اكل الي نفسي فيه فطور وغدا وعشاء

كان وحلا يعني اشبع وبيني وبينكم

طول فتره ايام الدايت اكون جوعانه واصبر نفسي باليوم المفتوح بس سبحان الله نفسي تنسد هاليوم

اكل ماراح اقول لكم ما اكل بس معدتي تصير تعورني لأني اليوم المفتوح يكون عباره عن اكل جاهز

او مقالي الأكل

الي انا احبه وانا اكون متعوده على أكل اصحي
كنت اخذ وجبه دسمه عشان جسمي مايتعود عالنظام الصحي والي مافيه دهون ويبطل ينزل وبكذا راح

ينزل ومنه يتفاجئ الجسم ويستمر

في نزوله ومنه

ضروري اكل شي دسم وحلا وووو كل شي محرومه منه الأيام الي فاتت

منه اضمن ان وزني العشره الايام القادمه يستمر في نزوله ومنه اكون ماحرمت نفسي من شي

وكمان احد الأسباب ان الجسم مايتفاجئ من نوعيه الاكل الي اكلها في اليوم المفتوح بكره اذا خلصت من

الدايت ووصلت للمثالي وجيت اثبت وزني

يزيد الوزن بعد اليوم المفتوح يزيد يزيد ترى هذا موضوع مااحد الأفيه نقاش

زياده بسيطه ووهميه بحدود 500 الى 700 جرام مجرد ثاني يوم ماترجعي لنظامك ترجع

تنزل خذوها نصيحه مني لاتقيسوا وزنكم بعد ثاني يوم من يومكم الفري لأنه راح يزيد راح

يزيد من نصف كيلو الى احيان توصل الزياده 2 كيلو وتجنبا للأحباط ابعدوا عن الوزن الا

في اليوم المحدد
الجزء الأخير الي الكل متشوق يسمعه كم كنت انتم عارفين كم كنت بس كم صرت هذا

الي راح تعرفوه في اخر جزء لقصتي الجميله وكيف تغيرت مقاساتي كم كنت البس وكم

صرت البس ؟
ردات الفعل من الناس؟

شعوري واحساسي بطعم الرشاقه الي ماذقته طول عمري؟

كل هذا واكثر راح تعرفونه بالجزء الأخير من قصتي

انتظروني

ماعادت رشاقتي حلم النهايه