السلام عليكم ورحمه الله وبركاته




راح اكتب لكم تجربتي الشخصيه بكل صدق وامانه مع النحافه والعشيه اللي ساعدت كتير بتنزيل وزني راجيه من الله ان يستفيد الجميع واكيد الكل قرا كتير وصفات وجربها في منا اللي ياس من كتر التجارب متل حالتي طبعا ما خليت اي شي على النت الا وطبقته بدون فايده بس سبحان الله قدر الله وما شاء فعل
وانا راح اختصر لكم حكايتي حتى ما تملو بس والله العظيم راح تستفيدو لاني انا من الناس اللي ما تركت شي للتخفيف الوزن الا وعملته بس فعلا هاي الطريقه تنسف نسف يعني قنبله ذريه ههههههههههه خاصه للي ياسو من الرجيم
حكايتي بدات باوجاع في خاصرتي تعبت منها كتير ربنا يعافيكم ولما روحت لعند الدكتور طلع عندي التهابات قويه وترسبات طبعا اختكم في الله ما تستغني عن ابو المفهوميه جدي جوجل على طول صرت اكتب علاجات واعشاب تفيد الالتهابات والترسبات وكانت اغلب الاجابات تتكلم عن ماء البقدونس والشعير والماي وطبعا لما يكون الوجع ننسى الرجيم وكلشي وصار همي اني اطيب واخف ومن هون كان اكتشافي بعد التجربه طبعا -------------اكتشاف علم الذره هههههههههه
بالنسبه للشعير صراحه انا لغيته لاني ما بحبه ولا بحب طعمه ابدا وكتبت عقد بيني وبين البقدونس والماي بس
صرت يا الغالين كل يوم اغلي سخان كبير من القدونس يعني بحدود 6 كاسات اشربها يوميا منه بس بالطريقه التاليه
الصبح على الريق وقبل النوم اشرب كاس من البقدونس مضاف له عصير نصف ليمونه وباقي اليوم اشرب 4 كاسات تقريبا بلا ليمون واحيانا اقطعه واضيف له خيار وبالخلاط واشربه ولاحظت لما بضيف الخيار معه بيسد النفس فعلا عن الاكل كافه بس انا كنت اعوض الاكل بالفواكه واكتشفت فعلا انه البقدونس مع الخيار افضل طريقه لسد الشهيه والله عن تجربه واي واحده راح تجربها بتشوف بنفسها لاني انا بالاكل كنت متل امنا الغوله ما في رحمه بس بعد هاي الطريقه صرت متل امنا دياناهههههههههههه
وكنت اشرب كتير ماي وعصير برتقال طبيعي وادور على كل شي في ماي واشربه
وبعد اسبوع لاقيت انه الالام خفت كتير ولله الحمد وتشجعت واستمريت عليه بدون ياس لمده شهر وانا اشرب البقدونس والعصائر الطبيعيه وعملت بعدها التحليل لقيت ما في اي ترسبات ولله الحمد ولا شي والمفاجاه الكبرى اني لاقيت نفسي نازله 7 كيلو شوفو بنات سبحان الله متل ما بيقولو ربما ضاره نافعه مع اني والله صعب جدا نزول وزني بس
ربنا اراد لي الابتلاء للشفاء وهاي هي حكايتي بالمختصر المفيد وانتو اكيد قراته عنه وعن فوائده بس والله العظيم التجربه خير برهان ماء البقدونس فعلا روووووووووووووووووعه للعلاج وللتنحيف
ملاحظه هو بينزل الماء المتحبس بالجسم كله وبيصفي البشره عدا على انه بس للرجيم

انا كان وزني 80 وصار 73صراحه انا لاحظت بالملابس بس ما كنت مهتمه كان كل همي اني اتعالج ومن بعدها تشجعت وعملت نظام غذائي لنفسي ونزلت لحتى صار وزني 60 وما نزل وجهي بالعكس تدور اكتر وصار في حيويه وجمال اكتر وبدون اي ترهل وفي المره القادمه راح اكتب لكم هاذا النظام واكتشافاتي مع جدي جوجل وتجاربي والله وانا متاكده لو تعملو متل ما اقول لكم بالزبط راح تنزلو وبدون اي تعب
الى اللقاء في المره القادمه جربو هاي الطريقه بالاول وردو لي خبر وانا بانتظار ردكم

تجربه خاصه والله وغير منقول