الموضوع
:
خضار مشكل بالفراخ مع رز ابيض بزيت الزيتون
عرض مشاركة واحدة
كتبت : حياه .
-
خضار مشكل بالفراخ مع رز ابيض بزيت الزيتون
امبارح كنت زهقانه من الرجيمـ
وقعدت افكر وادور ع النتـ
المهم في الاخر
عملت اكله جميله وطعمها تحفه
هي خضار مشكل بالفراخ
ورز ابيض بزيت الزيتون
وسلطه
المكونات
اربع حبات كوسه
حبة بطاطس
حبة طماطم
فلفل احمر
بصله
جزرة
كوب شوربة فراخ
الطريقة
نقطع الكوسة دواير
ونقطع الجزرة مربعات صغيرة
ونقطع الطماطماية اربعه
ونحطهم كلهم ع البوتجاز مع كوباية الشووربة
ونزود شوربة حبه حبه
وقبل ما الكوسه والجزر يستوو بدقايق
نضيف البطاطس هي مش بتاخد وقت خالص
وطبعا الفراخ كانت مسلوقة
نقطعها اربع تربع ونحطها تحت الشوايه فالفرن تتحمر
ولما الخضار يستوي والفراخ تحمر
نحط الخضار على الفراخ فالصنية
ونقلب الفراخ
ونقع البصلة حلقات والفلفل الاحمر كمان حلقات ونحطهم على وش الصنية
وكده متقلقيش هيستو كأنهم اتحطو ع البوتجاز بس هيبئ قوامهم متماسك
وندخلهم تاني الفرن
الحركة الاهم بئ
اننا نحرق فحمه واما نطلع الصنيه
نحط الفحمه فطبق وعليها شوية زيت او سمنه ونحطها فالصنية ونغطيها كويس
وكلي بئ احلى طبق خضار مشوي وفراخ مشوية
والارز بئ
نروح نحط حوالي كوباية ونص شوربة على البوتجاز
ولما يغلو نحط كوباية الارز اللي غسلناها كويس
مع معلقة زيت زيتون
ووطي البوتجاز خالص
وممكن ع فكرة تعملي حركة الفحم تاني هيدو الارز طعم تحفه
وكلي احلى طبق ارز ابيض للرجيم
وطبعا بيتقدمو مع السلطة الخضراء
ودى غدايا انا وحبيبي امبارح