الموضوع
:
الرز بالخلطة من مطبخى
عرض مشاركة واحدة
كتبت : Hayat Rjeem
-
الرز بالخلطة من مطبخى
اليوم عملت
رز بالخلطة
سهل كتير ولذيذ و
بالظبط زى االلى بشتريه من المطعم
المقادير
2
كوب رز مغسول جيدا
على كل كوب رز معلقه سكر (يعنى استخدمت معلقتين)
معلقه نصف معلقه شاى قرفه
ملح وفلفل
ربع ك كبدة مقطعه شرايح صغيره ومغسوله (ممكن كبدة فراخ )
زبيب
مكسرات حسب الحاجه
بصله وسط مقطعه قطع صغيره او مبشوره
معلقتين زيت او سمن(هنا استخدمت زيت عشان اخف)
الطريقه
اولا قطعت البصل وعليها
الكبده وشوحتها بمعلقة زيت وحطيت
ملح وفلفل
فى حلة حرقت السكر
(بالظبط زى الكراميل بتاع الخروب)
وده اللى بيدى اللون البنى للرز
حطيت الرز على السكر وعليهم الكبدة بعد ما استوت والزبيب والقرفه والملح والفلفل
وقلبت وبعد حطيت مقدار الماء ومعلقه زيت
وسويت الرز عادى بعد ما اتشرب المية هديت النار لحد ما استوى
وقت التقديم حمصى المكسرات وضعيها على الطبق
انا هنا محطتش مش بيحبو المكسرات فى البيت
وقدمته مع بطاطس محمرة ولحم مسلوق
مصورتش الخطوات لضيق الوقت
جربوه وان شاء الله بيعجبكم