السلام عليكم حبيباتي
من كم يوم جلست افكر كيف زمان كانو عندنا يعتنو ببشرتهم وبعد السؤال
عرفت انهم كانو يستخدمو الكركم والسدر والحنه
هم كانو ييعملوه على هيئه ماسك بس صراحه مااقدر اتحمل الماسكات
عشان كذا قلت اعمله على شكل صابونه واتروش فيها فطلعت فكره ممتازه ومفيده جدا جدا بس لاني ارسل الطريقه من التلفون ما اقدر انزل لكم الصور وبكتفي بشرح الخطوات ويارب تستفيدو وتدعولي بس كمان هذه الخلطات تبي وقت عشان النتيجه تكون ممتازه
اولا تبرشي اي نوع صابون تحبيه
ثانيا تسكبي عليه ماء ورد كوب صغير وتخلطيهم
ثالثا تضيفي شويه ملح بحري مدقوق شويه وحبه صغيره ملح شبه
رابعا تضيفي شويه مسك مطحون
بعدها تجيبي المكونات وتعملي لهم حمام مائي عشان يذوب ويسهل الخلط ولما تحسي انه بدء يتجانس تضيفي ملعقه كركم وملعقه حنه وملعقه سدر كلهم مطحونين .
وتخلطيهم فوق الحمام المائي حتى يتجانسو واللي بشرتها جافه تقدر تضيف شويه زيت زيتون او لوز
واللي تحب كمان تضيف عصير ليمونه
وخلاص تسكبيهم بأي قالب ولما تتغسلي خليها شويه على جسمك وغسليه بليفه وشوفي النتيجه من اول استخدام وادعي لي