مجتمع رجيم - عرض مشاركة واحدة - برنامج ريجيم لمدة اسبوع

كتبت : شيمـو

السلام عليكم يا حبيباتي في ريجيم

بقالي فترة متبعة نظام السعرات المنخفضة يمكن شهر تقريبا ودلوقتي انا قررت اغير النظام ده لمدة اسبوع واحد علشان مايحصلش ثبات في الوزن لان وزني فعلا ابتدا ينزل ببطء

الريجيم ده كان الدكتور كتبهولي فوقت من الاوقات لما وزني ثبت من سنة تقريبا لما كنت بخسس وماكملتش هههههههههه

بس الريجيم ده وقتها خسسني 5 كيلو في الاسبوع وكنت فرحانة اوي وكان ريجيم كيميائي معرفش بقا هو بيتناسب مع جميع الاجسام ولا لا عن نفسي كان مناسب معايا جدا

وعلشان كده انا هكتبهولكم لعل وعسي اكون السبب ان الاخوات يستفيدوا بسببي

بسم الله

طبعا وقبل اي شيء من اهم عوامل الريجيم الكيميائي هو الالتزام بالاكل في مواعيد ثابتة ومنظمة

اليوم الاول :
طول اليوم بتقسيمة ثمرتين لكل وجبة : نوع واحد من الفاكهة ماعدا الممنوع ( موز - تين - عنب - بلح - مانجو ) .

اليوم الثاني بتقسيمة ثمرتين لكل وجبة : نوع واحد خضار .

اليوم الثالث بتقسيمة ثمرتين لكل وجبة : خلط مابين اليوم الاول والثاني ( يعني لكل وجبة ثمرة فاكهة وثمرة خضار بس من نفس انواع اليومين الي فاتوا ) .

اليوم الرابع الي السادس : تكرر الايام الثلاثة من تاني .

وطبعا المياة 8 اكواب او اكتر علي مدار اليوم والنوم والاستيقاظ بدري وممنوع اي مشروبات غير الماء حتي لو كانت دايت .

النظام صعب ولكنه محتاج ارادة ربنا معاكم ومعايا

دعواتكم