صباح الخير و النشاط والعزيمة

اول شغلة بعملها لما فيق الصبح هو الوقوف عالميزان
يعني بزين وزني كل يوم..
قبل كنت طول عمري لما اعمل ريجيم امنع حالي زين وزني الا مرة كل اسبوع..كنت فكر انه غلط زين طل يوم عشان ما يصير في احباط..
بس من فترة عاليوتيوب سمعت وحدة بتعطي نصائح للرشاقة..قالت انه الوزن كل يوم بيخليكي منضبطة اكتر و ملتزمة اكتر..جربت نصيحتها لشوف و فعلا طلع معها حق..لما كل يوم اطلع عالميزان و شوف وزني نازل حتى لو 100 غرام بنبسط و بتشجع كمل الريجيم و اذا لقيته زايد بخاف و بنتبه لحالي..

على كل حال يمكن هالنصصيحة ما بتناسب الكل..بس بالنسبة الي كتير فادتني..

على سيرة الميزان اليوم وزني 67.6 .. نزلت 200 غرام من مبارح لليوم..الحمدلله نتيجة رائعة بدون ضغط و حرمان..

اليوم الخميس عطلتي ..ههههه غريب بعرف ما حدا بيعطل الخميس بس انا اخترت هالنهار لانه بيناسبني..
اليوم رايحين نتروق برا البيت انا و اخواتي..يعني جمعة نسوان..بدي انتبه وما خبص...

بمنالكن نهار سعيد و مثمر ؛)